J Saravanan சிதறல்கள்

வீர‌ன் !!!

2012-01-19T08:30:00.004+05:30

கோழை,
த‌வ‌ற‌ விட்ட‌தை எண்ணி த‌விப்பான்;
முட்டாள்,
த‌வ‌ற‌ விட்ட‌தை அறியாம‌ல் நிற்பான்;
அதிர்ஷ்ட‌சாலி,
வெற்றிய‌டைந்து பின் மிதப்பான்;
வீர‌ன்,
வாழ்வின் அடுத்த‌ ச‌வாலை ச‌ந்திக்க‌ முய‌ல்வான்!!!

த‌வ‌று ?

2012-01-16T08:43:00.002+05:30

த‌வ‌று,

பார்ப்ப‌வ‌ரால் சொல்வ‌தா?
செய்த‌வ‌ரால் உண‌ர்வ‌தா?
வ‌குத்த‌வ‌ரால் வ‌ர்ணிப்ப‌தா?

த‌வ‌று,
செய்ததை சுட்டிக்காட்ட‌வா?
அறியாமையை அறிவுறுத்த‌வா?
செய்ய‌க்கூடாவ‌ற்றை உண‌ர்த‌வா?

ஆசையே அலை போலே!!!

2011-12-20T08:20:00.001+05:30

கரை தேடி வருகிறாய்
கரை தொட்ட பின்
நுரையாகி போகிறாய்
நீயும் என் தோழனே!

அடைந்துவிட்டோம் என்றாசை,
அடைந்ததும் நிராசையானது;

அறிந்தது கல்லளவு,
அறியாதது உலகளவு,
என்றதை உணர்ந்ததும்;
ஆசையே அலை போலே!!!

வினா ஓர் க‌னா....!!!

2011-12-11T09:10:00.004+05:30

சில‌ வினா விடையாக‌லாம் ;
சில‌ வினா ஆச்ச‌ரிய‌ம் ஆக‌லாம் !
சில‌ வினா வின‌வாம‌ல் போக‌லாம் ;
சில‌ வினா விட‌ முடியாம‌ல் போக‌லாம் !!
சில‌ வினா என்றும் ஓர் க‌னா....!!!

அலைக‌ளின் அறித‌ல் !!!

2011-11-29T09:16:00.000+05:30

போகிற‌ போக்கில்..
உன் பெய‌ரை க‌ட‌ற்க‌ரை ம‌ண‌லில்
எழுதினேன்!
அலைக‌ளும் அறிந்துள்ளது
நீ என‌க்கான‌வ‌ள் என்று ;
உன் பெய‌ரால் பெருமை ப‌ட்ட‌
ம‌ண‌லை என்னிட‌ம் வ‌ந்து சேர்க்கிற‌து!!

என்னில் நீ !!!

2011-11-12T00:24:00.000+05:30

நான் சொல்கையில் உண‌ர்வு,
நீ சொல்கையில் நிறைவு !
என்னில் நான் த‌னிமை,
என்னில் நீ அருமை !!
உன் ம‌னதை உண‌ர்வேன் ,
உன் சொல்லால் ம‌கிழ்வேன் !
உன‌க்காக‌ எதையும் துற‌ப்பேன்,
என்றும் உனை ம‌ற‌வேன் !!!

உண்மை !!!

2011-10-25T21:25:00.000+05:30

என்ன‌ தான் வாழ்க்கை
என்று இருந்த‌ போது இருந்த‌து ஆன‌ந்த‌ம்.....

இது தான் வாழ்க்கை
என்று‌ உண‌ர்ந்த‌ போது இருந்த‌து ம‌கிழ்ச்சி...

இது தானா வாழ்க்கை
என்று அறிந்த‌ போது இருந்த‌து ச‌லிப்பு....

என்ன‌ டா வாழ்க்கை
என்றான‌ போது தேவை இருந்த‌து நிம்ம‌தி......

அழகி !!!

2011-09-30T08:54:00.002+05:30

உல‌கின் அழ‌கியாக‌ திற‌மைக‌ள்,

சோத‌னைக‌ளும் ப‌ல‌ தேவை ;

எந்த‌ன் அழகியாக‌

திற‌மைக‌ள் எத‌ற்கு?

சோத‌னைக‌ள் தான் எத‌ற்கு?

எந்த‌ன் அழ‌கியாக‌

நீயாக‌ ம‌ட்டும் இருக்க‌ வேண்டும்!

நேற்று இன்று நாளை !!!

2011-09-14T07:04:00.002+05:30

நாளை துலைந்த‌து என்று
ப‌த‌றும் மானிடா,
அதை துலைத்த‌து நீ தானே
இன்றைய‌ ச‌முதாய‌த்தில்
நேற்றைய‌ பார‌ம்ப‌ரிய‌த்தை!!!

சுத‌ந்திர‌ தின‌ வாழ்த்துக்க‌ள்....

2011-08-15T11:39:00.000+05:30

அகிம்சையின் ப‌ல‌த்தை பார்த்த‌தில்லை,
அத‌ன் ப‌ல‌னால் ப‌ய‌ன‌டைந்தோம் ;
ஆண்டுக‌ள் ப‌ல‌ க‌ட‌ந்த‌ன‌,
உல‌கம் தூங்கும் போது
நாம் சுத‌ந்திர‌ம் அடைந்தோம் என்ற‌ன‌ர்,
அத‌ன் க‌லைப்பில் ம‌க்க‌ள் தூங்கும் போது
அர‌சிய‌ல் குள்ள‌ ந‌ரிக‌ள் விழித்த‌ன‌ர்
ம‌க்க‌ளை ம‌ந்த‌மாக்கி
அவ‌ர்க‌ள் ம‌ன்ன‌ராக‌ நினைக்கின்ற‌ன‌ர்,
விட‌வேண்டாம் ந‌ம் விடுத‌லையை,
சுதாரித்து கொள்வோம் சுத‌ந்திர‌ம் சூரையாகும் முன்,
இச்சுத‌ந்திர‌ தின‌த்தில் சூளுரைப்போம்,

சுத‌ந்திர‌ தின‌ வாழ்த்துக்க‌ள்....

"ந‌ண்பேன்டா"!!!

2011-08-06T23:27:00.003+05:30

ம‌ந்தையில் சென்றாலும்
விந்தை நிக‌ழ்திடுவோம் !
சிந்தையினில் ஒற்றுமை...
ஒற்றை வார்த்தையினில்
எங்க‌ள் வாழ்க்கை "ந‌ண்பேன்டா"!!!

ந‌ண்ப‌ர்க‌ள் தின‌ வாழ்த்துக்க‌ள்..

வாகை சூடவா!!!

2011-07-27T10:31:00.002+05:30

கண்ணில் கண்ட பாதைகள் மெய்யானதா?
கால்கள் சென்று தோற்றதால் பொய்யானதா?

கண்ணில் கண்டிடும் எழுத்துக்கள் மெய்யானதா?

செவியினில் கேட்டிடும் மெய்யின்மையால் பொய்யானதா?

கண்ட பாதையும் எழுத்துக்களும் மெய்யானதே,
வென்றிடாத பாதையில் சென்ற கால்கள் பொய்யா?
மெய்யான வார்த்தைகள் கேட்டிறாத செவிகள் பொய்யா?

சோதனைகள் அனைத்தும் சாதனைகள் ஆகிவிட்டால்
சாதனைகள் அனைத்தும் சாதாரணமே,
சரித்திரத்தில் சாதனைகள் மட்டுமே இருந்துவிடில்,

சரித்திரம் வெறும் உயிரில்லா ச‌ரீர‌ம் போலே,

பயன் ஏதுமில்லை !!!

வெற்றி என்பது மையம்
என மையம் கொள்ளாமல்,
மைற்க‌ல்லாய் கடந்து வந்து
வாகை சூடவா!!!

இய‌லாமையின் இய‌லாமை

2011-07-24T12:51:00.002+05:30

ச‌ரித்திர‌ங்க‌ள் சாஸ்த்திர‌ங்க‌ள் ஆகையில்,
த‌ன்ன‌ம்பிக்கை த‌ட‌ம் போட்டிட‌,
ந‌ண்ப‌ர்க‌ள் ந‌ம்பிக்கை ஊட்ட‌,
சான்றோர்க‌ள் சான்றித‌ழ் த‌ந்திட‌,
க‌ட‌மைக‌ள் க‌ண்ணிய‌த்துட‌ன் ந‌ட‌க்கையில்
இய‌லாமையால் எதுவும் இய‌லாது...

துலைத்தேன் !!!

2011-07-18T12:21:00.000+05:30

ம‌திப்பிட்ட‌ பொருளினை அடைய‌

வாழ்வினை துலைத்தேன் உழைத்தேன்,

ம‌திப்பில்லா உந்த‌ன் புன்ன‌கையினை அடைய‌

என்னை துலைத்தேன் சிலிர்த்தேன் !

ப‌ய‌ம‌றியான்!!!

2011-06-22T21:42:00.001+05:30

க‌ண்க‌ள் தேடும் தூர‌த்தில் இருந்தாய்
உனை க‌ண்டு ல‌யித்த‌ன‌;
கை தொடும் தூர‌த்தில் இருக்கிறாய்
உனை க‌ண்டு ப‌ய‌ந்த‌ன‌;
நானோ இத‌னை ப‌ய‌ம் என்று அறியாத‌வ‌னாய் !!!

முத‌ல் முறை !!!

2011-06-19T05:20:00.001+05:30

முத‌ல் முறை,

பிரிய‌ நினைத்தேன்,
எந்த‌ன் இமைக‌ள் உன்னை க‌ண் கொள்ள‌...

க‌ள‌வாட‌ துடித்தேன்,
உன்னை என‌க்கு...

வீழ்ந்திட‌ யாசித்தேன்,
உன்னுட‌ன் வாழ்ந்திட‌...

வாழ்ந்திட‌ நேசித்தேன்,
உன்னுட‌ன் எந்தன் வாழ்வினை...

யாசித்து நின்றேன்,
உந்த‌ன் கைக‌ள் ப‌ற்றிட‌...

நீயே என்ன‌வ‌ள் என்றுண‌ர்தேன்
உன்னை பார்த்த‌தும்...

த‌லைகுனிய‌ போனேன்
வேறு பெண்ணை பார்த்த‌தும்...

அனைத்தும் முத‌ல் முறை...
உன்னை முத‌ல் முறை பார்த்த‌தும்....

ஊடல் !!!

2011-05-31T10:16:00.000+05:30

ந‌ட்பினில் பிரிந்தோம் சேர்ந்தோம் சிரித்தோம்!
'உற‌வினில் பிரிந்தோம் ச‌ந்திப்போம் சிந்திப்போம் !!
ந‌ட்பினில் ஊட‌ல் த‌ண்ணீரில் க‌ல‌ந்திடும் உப்பாகும் ,
உற‌வினில் ஊட‌ல் உப்புத் த‌ண்ணீரை
சுவைப்ப‌து போல் க‌ச‌ந்து விடும் !

என்ன‌ வாழ்க்கை டா இது!!! - 2

2011-05-20T10:58:00.000+05:30

க‌னா காணும் கால‌ங்க‌ள்
க‌ணிணி கால‌ம் ஆன‌து;
க‌னிக‌ள் விளைந்திடும்
நில‌மோ கால‌மான‌து;

உற‌வுக‌ள் உலோக‌மாய் உருபெற்ற‌து,
பொன்னும் பொருளும் ம‌திப்பெற்ற‌து
ம‌னித‌ர்க‌ள் ம‌திப்ப‌ற்ற‌ ம‌ர‌மாயீன‌ர்;

இணைய‌த்தின் இம்சைக‌ள்
இம‌ய‌ம் தொட்ட‌து;
மென்பொருளை க‌ற்ற‌ன‌ர்,
ம‌னித‌ நேய‌த்தை ம‌ற‌ந்த‌ன‌ர்;

வாழ்க்கையை வாழ்வோம் என்று
வாலிப‌ம் வ‌ற‌ண்டோடுது,
வாழ்ந்திடுவோம் வாழ்வினை
வென்றிடுவோம்!!!

என்ன‌ வாழ்க்கை டா இது!!!

என்ன வாழ்க்க டா இது !!!

2011-05-12T21:47:00.000+05:30

கடந்த கனமான காலம் ,
சிந்தித்திட சிறுதளவும் சிந்தனை இல்லை,
துளி கண்ணீர் சிந்தவும் திடம் இல்லை;
பிடித்தவரை பார்த்திட இடம் உண்டு ,
பார்த்தவரை பிடித்திட வழி உண்டு ,
பிடித்ததை சொல்லிட இடம் உண்டா ?
உன் நெஞ்சினில் நடப்பதை ஏற்றிட வலு உண்டா ?
சந்தித்து பேசிட சகாக்கள் ஆயிரம் ,
சட்டையில் சில்லறை சிரமம் ,

கடக்கும் கனா காலம்
சிந்திக்குறோம் சில்லறைகளுக்கு மட்டும் ,
சட்டையில் சில்லறைகள் உண்டு ,
சந்தித்து சிறகடிக்க சகாக்கள் ஒவ்வொரு திக்கிலும் ,
பிடித்ததை சொல்லிட திடமும்
இடமும் உண்டு , நேரம் இங்கேது நமக்கு !
என்ன வாழ்க்க டா இது !!!

வாக்க‌ளிப்போம் !!!

2011-04-13T07:33:00.002+05:30

அவ‌ நிலையா ? அவ‌ச‌ர‌ நிலையா ?
த‌மிழ் நாட்டின் த‌லைவிதியா?
த‌மிழ‌னின் த‌லையெழுத்தா?

ஈழ‌னை ஈச‌னின் கொடுத்தோம் !
நாட்டினை குள்ள‌ நரிக‌ளிட‌ம் கொடுத்தோம் !!
அர‌சிய‌ல் ஆழ்க‌ட‌லை
ச‌த்திய‌ம் செய்து சாக்க‌டை ஆக்கின‌ர் !!!

வார‌த்தில் அனைத்து தின‌த்திலும்
க‌ருப்பு நாள் அனுச‌ரிக்கிறோம்,
வ‌ருட‌த்தில் அத்துனை நாட்க‌ளும்
ஆகாம‌ல் பார்த்துக் கொள்வோம்,

வாக்க‌ளிப்போம் !!!

ஆயுத‌ம் !!!

2011-03-31T09:42:00.003+05:30

ஆய‌த்த‌மான‌வ‌னை ஆயுத‌மாக்கும்,
ஆத்திர‌கார‌னை ஆட்கொள்ளும்,
ஆத‌ர‌வ‌ற்ற‌வ‌னுக்கு ஆத‌ர‌வாகும்,

அஹிம்சை ஹிம்சையாகும் போது
அமைதி காக்க‌வும்,
ச‌ட்ட‌ம் சாக‌டிக்க‌ப்டும் போது
ச‌ரித்திர‌ம் ப‌டைக்க‌வும்,

ஆய‌த்தமாகும் ஆயுத‌ம் !!!

உல‌க‌ ம‌க‌ளிர் தின‌ வாழ்த்துக்கள்...

2011-03-08T08:43:00.001+05:30

என்னை,
ஆக்கி வைத்து, ஆள‌ வைத்து
ஆட் கொண்டிருக்கும், கொள்ள‌ போகும்
ஆர‌ம்ப‌த்தின் ஆணிவேரே,
ம‌கிமையே ம‌க‌ளிரே...
உல‌க‌ ம‌க‌ளிர் தின‌ வாழ்த்துக்கள்...

ஆசை !!!

2011-03-07T11:23:00.002+05:30

த‌வ‌றை,
ம‌ற‌ப்ப‌தில் ம‌ழலையாய்;
ம‌ன்னிப்ப‌தில் பெரிய‌வ‌னாய்;
உண‌ர்வ‌தில் அறிஞ‌னாய்;
அத‌னை செய்கையில், நான் நானாய்
இருந்திட‌ ஆசை !

இனிமை

2011-03-04T14:23:00.000+05:30

நாவினில் உச்ச‌ரித்த‌வையெல்லாம்
மொழி என்பது ம‌ட‌மை;
நாவினை உச்ச‌ரிக்க‌ வைப்ப‌வையே
தாய் மொழியின் ம‌கிமை;
எங்க‌ள் செம்மொழியின் இனிமை !!!

உணர்வு

2011-02-18T10:14:00.001+05:30

தொடுவ‌தால் உண‌ர்கிறோம்
நாமும் ம‌னித‌ர் என்ற‌ உண‌ர்வினை,
நீ தொட்ட‌தும் சிலையானேன்
உன்னை ம‌ட்டும் ர‌சிக்கும் உண‌ர்வினால் !!!

நொடி

2011-02-09T11:39:00.000+05:30

என்னை நான் ம‌ற‌க்க‌
உன்னை பார்த்த‌ ஒரு நொடி போதும் !!
அத‌ன்பின்
உன்னை நான் ம‌ற‌க்க‌
இந்த‌ வாழ்வினில் ஒரு நொடியும் இல்லை !!!

குடிய‌ர‌சு தின‌ வாழ்த்துக்க‌ள் !!!

2011-01-27T09:41:00.003+05:30

வெங்காய‌த்தின் விலை
வெறி கொண்டு ஏறி இருக்க‌,
எரிபொருளின் விலை
வ‌யிற்றெச்சிலை கூட்ட‌;

மாநில‌ங்க‌ளின் எண்ணிக்கை
ம‌க்க‌ள் தொகைய‌ள‌வுக்கு பெருக்கிட‌
கொதித்திடும் கொள்கைவாதிக‌ளால்,

குடிய‌மைக்க‌ க‌ஷ்டப்ப‌டும் குடிய‌ர‌சாய்
ஆள‌ப்ப‌டும் அன்னை பூமி !

குடிம‌க‌னாய் குடிய‌ர‌சு தின‌ வாழ்த்துக்க‌ள் !!!

கை !!!

2010-12-15T10:48:00.002+05:30

என்னை பெற்ற‌வளின் கையை
நான் பிடித்து ந‌ட‌ந்தேன்,
என்றும் உட‌ன் இருப்பேன்
என்று அவ‌ள் நெகிழ !

என்னை ஏற்ற‌வ‌ளின் கை
என்னை பிடிக்க‌ ந‌டந்தேன்,
என்றும் துணை இருப்பேன்
என்று அவ‌ள் ம‌கிழ‌!!!

வாழ்க்கைய‌டா!!!

2010-12-09T11:12:00.000+05:30

வ‌ருவ‌தை தேடி,
இருப்ப‌தை துற‌ந்து,
பற‌க்கின்ற‌ உல‌கினில்,
ஓட‌த் துடித்து,
ந‌டந்து கொண்டிருக்கும்,
வாழ்க்கைய‌டா!!!

மூச்சு!

2010-11-24T13:02:00.001+05:30

அந்த‌, நீல‌ வான‌த்தின் மேல்
என்ன‌ என்ன‌மோ இருக்கிற‌து ,
இருப்ப‌தாக‌ இருக்கிற‌து
விஞ்ஞானியின் பேச்சு,

இந்த‌ நீல‌ வான‌த்தின்
கீழ்நாம் இருவ‌ரும், இருவ‌ர் ம‌ட்டுமே
இருப்பதாக‌ நினைக்கிற‌து
இச்சாமானிய‌னின் மூச்சு !

போற்றிடும் உல‌க‌ம்!

2010-11-17T11:10:00.003+05:30

சில‌ந்தியின் வ‌லையினைப் போல்

சித‌ற‌ல்க‌ளாய் க‌ன‌வினை சேர்க்கும்

அப்பாவிகளாய் நாம் இருக்கையில்,

இருந்த‌ இட‌த்தில் இறையினை

இழுத்துவிடும் த‌வ‌ளைக‌ளை

மேதாவிக‌ளாய் போற்றிடும் உல‌க‌ம்!

தியாக‌ம் !!!

2010-10-26T19:19:00.001+05:30

ம‌ன‌ம் விரும்பி இழ‌ப்ப‌தா?

இழ‌ந்த‌தை நினைக்காம‌ல் இருப்ப‌தா?

இழ‌ந்த‌தை தாங்கும் ச‌க்தியா?

புண்ணிய‌த்தின் தேட‌லா?

க‌ண்ணிய‌த்தின் காண‌லா?

நிலவை பிடித்தேன் !!!

2010-09-27T09:55:00.003+05:30

பயமறியா வயதினில்,
நிலவே உன்னை பின்தொடர்ந்து
எந்தன் வீட்டினில் சேர்த்து அனைப்பேன் ; ஆனால்
ஆதங்கப்பட்ட ஆதவன் உதித்து
உன்னை பறித்து கொள்வான் ;
சற்று வருந்துவேன் மீண்டும்
மாலை வரும் வரையினில் ;
இனி வருந்தப் போவதில்லை ,
நிலவு எனை பிரியப் போவதில்லை ;
மனையாளாய் எந்தன் மனை ஆள்கிறாள் !!!

அளவுகோல்

2010-09-22T08:12:00.006+05:30

அளவுக்கு மிஞ்சிவிடில்

அமிர்தமும் நஞ்சாகுமே !

உந்தன் மீது நான் வைத்த

அளவினை கடந்த அன்பு

என்னுள் நான் என்ற

அகந்தையினை நசுக்கி விட்டது !

நான் வைத்த அன்பு

உந்தன் மேல் என்பதால்

அளவுகோலும் அளப்பதை மறந்தது !

மழையோடு ஓர் பொழுது !

2010-09-07T01:55:00.008+05:30

என் வாழ்வினில் பல பொழுதுகள் ,
என்னவளுடன் எண்ணற்ற பொழுதுகள் ,
உன்னுடன் இந்த பொழுது !

அவளிடமும் சொன்னதில்லை
நீ தான் என் முதல் காதலி என்று,
கோவித்துக் கொள்வாள் கள்ளி ;

உங்கள் இருவருடனும் ஒரே சமயத்தினில்
காதல் செய்திட எண்ணிய ஆசை தீர்ந்தன ,
இந்த பொழுதினில் ;

உன் முதல் துளி
என்னை தழுவியதும் - மெய்சிலிர்த்தேன் ;
நானும் உன் பின்
வந்துவிடுவேனோ என்ற அச்சத்தினால்
அவளை மறந்து என் கை பிணைத்தாள்,
பிறகென்ன நானும் எனை மறந்தேன் ;

நீ என் மேனி தழுவ ,
அவள் அன்பு என் உள்ளம் தழுவ ,
விலை மதிப்பில்லா பொழுதின் சொந்தக்காரன் ,
கர்வத்தில் கர்ஜித்து ,
வினாடியும் வீணடிக்க விருப்பமில்லை ,

ஓர் குடையினில் கீழ் நடந்திருந்தால்
கவனம் சிதறி இருக்கும் , மழை துளி
அவள் மேல் படாமல் தடுப்பதில் ;

நான் ரசித்தவள் எனை அணைக்க ,
நான் நேசித்தவள் என் கை பிணைக்க ,
எங்கள் பாதங்கள் நடை பயின்றன !

இதே நொடி என்றாவது கிடைக்கலாம் ,
கிடைத்த இந்த நொடி எனக்கான பரிசு ,
பொக்கிஷம் என்று உயர்த்தி இருப்பேன் - ஆனால்
அது வாழ்வில் ஒரு முறை கிடைப்பது !

பல பொழுதுகளை ஏங்கும் நெஞ்சத்துடன்
விடை கொடுக்கிறேன்
நீ மீண்டும் வருவாய் என !

வேட்கை

2010-08-15T00:57:00.001+05:30

சுத‌ந்திர‌ம் அடைந்திட்ட‌ வேட்கை கண்டிலேன்;
குதூக‌ள‌ம் அடையும் வேடிக்கை காண்கிறேன்;
வேட்கை விடுத்து வேடிக்கை தேடிடும் இக்கால‌ம்,
வேடிக்கைக்கு இல்லை அக்கால‌ வேட்கை,
அக்கால‌ க‌ன‌வினை இக்கால‌த்தில் உழைத்திட்டு,
எக்கால‌மும் பொற்கால‌ம் ஆக்குவோம்;
இச்சுதந்திர‌ தின‌த்தில் வேட்கையை வேறூற்றுவொம்!

தனிமை!

2010-07-18T11:57:00.006+05:30

என்னை சுற்றி இருந்த
வெறுமை தான் தனிமையோ !
என்னை எனக்கு அறிய
வைத்த நிலைமை இனிமையே !

நினைத்ததை செய்தவனை
செய்வதை நினைக்க வைத்த அருமை !
எதையும் செய்யும் சுதந்திரம் ஆனால்
அதன் வெறுமை தருத்திரம் கொடுமை !

தனிமை வாழ்வினில் வரலாம்
ஒரு வேளையினில்- இடைவேளையிலே !!!

கொண்டாடுவோம் குதூகலிப்போம் !

2010-07-15T20:03:00.007+05:30

யாதும் ஊரே யாவரும் கேளிர் ,

சொன்னது யாரு அதை புரிவது யாரு

நாம் மட்டும் அதை அறிந்தோமா

இல்லை புரிந்தோமா ?

ஆனால் வாழ்தோம்

கேளிக்கையுடன் கேளிராய் ,

சண்டை போட்டு சகோதரனாய்

சச்சரவுகள் இருந்தும்

நாம் மாமன் மச்சான்கள் !

கல்லூரி சாலையில் நாம்

கால் பதித்து,

எட்டு ஆண்டுகள் கழிந்தாலும்

எட்டு திக்கும் அதன் நினைவுகள்

மகிழ்ச்சியை வென்சாமரமாய் வீசுகிறது ;

நினைவுகள் நினைப்பதற்கே ,

சுகமான கல்லூரி நினைவுகளை

இந்நாளில் எந்நாளும் நினைத்து

கொண்டாடுவோம் குதூகலிப்போம்!

(ஜூலை , 15, 2002, நாங்கள் கல்லூரியினில் கால் பதித்த தினத்தின் கொண்டாட்ட சிதறல் )

வல்லவன்

2010-06-25T14:02:00.004+05:30

உம்மை யாம் பார்த்ததும் இல்லை,
உன்னுடன் பேசியதும் இல்லை ,
நீ பேச நான் கேட்டதும் இல்லை ;

என்னை உன் சிந்தனை கவர்ந்தது ,
உன் எழுத்துக்கள் வீழ்த்தியது ,

இன்று புலவன் என்பவரின்,
ஐயம் தீர்த்த ஐயன் நீ ;

எம் தாய் மொழி இன்று செம்மொழி
அதனை நன் மொழியாக்கியவன் நீ ;

நீ சொல்லிடாத தலைப்புக்கள் இல்லை ,
அதை புகழ்ந்திடாத நாவும் இல்லை ,
அதனை எதிர்திடும் சமயம் உண்டோ !

உன் எழுத்தின் சுவை அறிய ,
தமிழை அறிந்தனர் அறிஞர் பலர் ,
தமிழின் வலிமை ஏற்றிய வல்லவன் நீ,
உன்னை வள்ளுவன் என்பவன் நான் ;

நான் தமிழன் என்ற கர்வத்தை விட ,
நீவீர் தமிழன் என்பதில் பெருமை
கொள்ளும் சாமான்யன் ;

உன்னை பெருமைபடுத்த
நான் கூறும் வார்த்தை
உன் புகழின் முன் சிறுமையே !

இது உமக்கு என் சமர்ப்பணம் ,
என்றும் தமிழில் உண்டு
உனக்கு ஓர் சிம்மாசனம் !

அரசியல் , அரசியலா

2010-06-01T14:45:00.003+05:30

அரசியல் ,
அரிசியிலும் வந்தாச்சு ,
குழைத்திடும் குரனையாய் ;
படிப்பிலும் புகுந்தாச்சு ,
கொட்டிடும் தேளாய் ;
மக்களும் ஏமாந்தாச்சு,
தேர்தல் எனும் பெயரால் ;
கட்சியும் மாறியாச்சு ,
காட்சியில் மாற்றம் இல்லை ;
சொற்கள் பல கேட்டாச்சு ,
பொருள் ஏதும் விளங்க வில்லை ;

அரசியல் ,
அரசால் இயலும் ;
என்ற நம்பிக்கை ,
அரசியலா? ,
அரசால் இயலுமா ?
என்று சிதைந்தாச்சு ;

அரசியலா ,
பலரும் இதை பேசியாச்சு ,
எங்கும் இல்லை முன்னேற்றம் ;
ரொம்பவும் ஏங்கியாச்சு ,
எங்காவது எதிலாவது
வருமா முன்னேற்றம் !

மாற்றம்

2010-05-30T19:32:00.004+05:30

மாற்றத்தினால் ,
சிலருக்கு ஏமாற்றம் ,
சில சமயம் தடுமாற்றம் ;

மாற்றம்,
மாற்றிடுமே சிலரது தோற்றத்தை,
பெற்றிடுமே சிலருக்கு ஏற்றத்தை ;

மாற்றத்தினால்,
மாறலாம் நமது சுற்றம் ,
மாறிவிடும் வாழ்வின் ஓட்டம் ;

மாற்றம் ,
மாற்றிடுமே அனைத்தையும் ஆனால் ,
மாற்றம் என்றுமே மாறாதது ;

என் உயிரானவள் !

2010-05-06T01:09:00.008+05:30

வெகு தூர இரயில் பயணம் ,
எனக்கு பயணம் புதிதல்ல ,
தூரம் கண்டு அச்சம் இல்லை ,
சற்று சலனம் நீ இன்றி பயணிக்க ;
உன்னை அறிந்த பின்பு !

என் பாதையில்
முட்கள் இருப்பினும்
என்னுடன் வர சம்மதித்தாய் !

இனி நீ இன்றி
வாழ்க்கை பயணிப்பதில்
அர்த்தம் யாம் அறியேன் ,

உன்னை அறியும் முன்பும் பயணித்தேன்
உன்னை காணும் நாளை எண்ணி ,
அதில் ஓர் சுகம் !

இன்று உன்னை நினைத்து
பயணிக்கையிலும் ஒரு சுகம்
ஆனால் அதனை உணர மறுக்கிறேன் !

கடவுள் இல்லை என்றில்லை,
இருந்தால் சுகம், என்று
உரைக்கு மாற்றுரை வழங்க
நான் நாத்திகன் இல்லை !

இருக்கும் இருக்கலாம்
என்று மூடனாய் நம்பிக்கை
கொள்ள ஆத்திகனும் இல்லை !

உயிர் உள்ள வரை
இதய துடிப்பு
நீ உள்ள வரை நான் !
என்றிருக்கும்
எனக்கு உயிரானவள் நீ !

பெருமை !!!

2010-04-17T05:16:00.002+05:30

எந்தன் பெயரை உரிமையுடன்

நீ அழைத்ததோ அருமை !

உந்தன் தோழி எனை யார்

என்கையில் நீ புன்னகைத்ததும்

என் நெஞ்சில் ஓர் பெருமை !!

இனிமை

2010-04-16T12:19:00.001+05:30

எந்தன் கைபேசியின் கை வந்து,

வாய் அடைக்கும் வரை பேச சொல்லுது

அவளது குரலின் இனிமை !

வினாவானேன் !

2010-04-02T00:39:00.003+05:30

காதல் என்பது என்னுள்
கேள்வியாக இருந்த போது,
விடையாய் வந்தாய் !

பலர் எனை எதிர்த்தனர்
நான் உன்னை
எதிர் பார்த்தால் !

உன்னை கண்டதும்
எனை இழந்தேன்
என்னிடமிருந்து !

அன்று உன்னால் லயித்த
காரணம் என்னிடம் இல்லை
தேவையும் இல்லை நீ இருப்பதால் !

எதிர்பார்க்கவில்லை நீ
எனை பிரிவாய் என , கனவிலும்
காணவில்லை !

இன்று என்னை பிரிந்த
காரணம் உன்னிடம் இல்லை
தேவையும் இல்லை நீயே சென்ற பின் ;

வாழ்வின் விடை கண்ட பின்
என்னை அதன் வினாவாக்கினாய்
என்னுள் நானே வினாவானேன் !

உனக்காக பிறந்தவன் !

2010-03-16T23:54:00.002+05:30

காதல் என்பது உணர்வாயினும்
என் உயிரில் கலந்தாய் ;

கலந்தது என் உயிர் என்றாலும்
என் நினைவில் நிறைந்தாய் ;

நினைவில் நிறைந்திருப்பினும்
என் கண்கள் உனையே தேடின;

கண்கள் உன்னை தேடுகையில்
என் உதடுகள் உன் பெயரையே உச்சரித்தன ;

உதடுகள் பெயரை உச்சரிக்கையில்
என் கைகள் இதனை சிதறின நீ படிப்பாய் என ;

நீ இதனை படிக்கையில்
என்னை அறிந்திருப்பாய் ;

அறிந்ததும் உணர்ந்திருப்பாய்
உனக்காக பிறந்தவன் என்று !

ரசிகன் ஆனேன் !

2010-03-06T23:53:00.002+05:30

வழி மீது விழி வைத்தேன் ,
அவள் வருகைக்கு !
என் விழி எங்கும் அவள் பிம்பம் ;

சற்றே கவனித்தேன் ,
அவள் பாதம் படவே வழியும்
எங்கும் ஏங்கி இருந்தது !

வியந்தேன், மகிழ்ந்தேன் !

அவள் வருகைக்கு காத்திருந்த
நிமிடமும் யுகமானது ஆயினும்
அந்த யுகம் முழுவதும்
அவளை நினைத்து கொண்டிருப்பதால்
அதையும் ரசித்தேன் !

ரசிகன் ஆனேன் !

என் தோழியிடம் !!!

2010-02-11T14:10:00.006+05:30

தாய்க்கு பின்னும்
தாரத்திற்கு முன்னும், என்றும் !
தாயின் அரவணைப்புடன்
என்னவளின் கண்டிப்புடன்
என்னை வழி நடத்தும் சுடராய் !

எனக்கு தோள் கொடுக்க தோழர்கள்
பலர் இருப்பினும் ,
விரக்தியினில் எனையறியாமல்
வரும் கண்ணீர் துடைக்க
ஓர் கை - உந்தன் கை வேண்டும் எனக்கு !

எனது கோரிக்கைகளை மட்டும்
சொல்கிறேன் என்றில்லை ,
தோழியை நேசித்து அவளிடம்
யாசிக்கும் தோழன் இவன் !
தந்தையாய் பாதுகாத்து தாயுமானவனாய்
அனைத்துமாய் தோழனுமாய் இருப்பேன் !

காதலர் தினத்தினில்
என் நட்பை காதலிப்பாயாக
இதுவும் ஓர் தோழனின் யாசகம்
என் தோழியிடம் !!!

எவரும் இலர் !

2010-02-05T17:00:00.005+05:30

என் பார்வை சிதறியதால்
உன்னை கண்டேன் என்றிருந்தேன் ,
ஆயின் ,
என்னை நினைக்க தவறியது
என் உள்ளம், உன்னால் கவர்ந்து ;

பல கோடி கவிதைகள் சிதறியது
என்னிடம், - உனக்காக ;
அதை படித்ததும் பதறலாம்,
இக்கிறுக்க‌னின் கவிதையும்
பல கவிஞர்களின் கவிதை
போல் உள்ளதென !

இருக்கலாம், நான் ஒன்றும்
தமிழ் அறிஞன் அல்ல
நான் உன்னை அறிந்தவன் ;

அவர்களை போல் நானும்
காதலை சொல்லி இருக்கலாம் ;
ஆனால்
என்னை போல் உன்னை காதலிக்க
எவரும் இலர் !

கொண்டாடுவோம் !

2010-02-04T17:55:00.002+05:30

வெற்றி என்ற போதையை

தலைக்கு ஏற்றாமல் ,

தோல்வியின் தாக்கத்தில்

தடம் புரளாமல் ,

காதல் என்ற இளஞ்சாரலில்

இளைப்பாறினால் தவறேது ;

நட்புடன் நடை போட்டாலும் ,

பிறந்து விட்டோம் என்று வாழாமல் ,

வாழ்வதற்கே பிறந்தோம் ,

அதுவும் வெல்வதற்கே ! என்று

வாழ்வினை கொண்டாடுவோம் !

கற்போம் !!!

2010-01-28T23:59:00.008+05:30

சரித்திரம் படிக்க கற்றோம்,
அதனை படைக்க கற்போம்;

இயற்கையை ரசிக்க கற்றோம்,
அதனை பாதுகாக்க கற்போம்;

வாழ்க்கையை வாழ கற்றோம்,
அதனை வெல்ல கற்போம்;

எதிரியை மன்னிக்க கற்றோம்,
துரோகியை மறக்க கற்போம்;

காதலியை நேசிக்க கற்றோம்,
காதலை சுவாசிக்க கற்போம்;

கற்றதோ கடுகளவு , கற்க வேண்டியவை
கடலளவு ஆயினும் கற்போம் !!!

பயணங்கள் முடிவதில்லை !!1

2010-01-25T11:56:00.005+05:30

இரயில் சிநேகிதமும்
ஓர் மலரன்றோ !
ஏனெனில் அவை வெகு காலம்
இருப்பதில்லையே !

மலர்களிலே குறிஞ்சி மலரும்
இருப்பது போல் ,
இரயில் சிநேகிததில்
குறிஞ்சி மலரும் பூப்பதுண்டு !
அம்மலருக்கும் விட்டில் பூச்சியின்
வாழ்வே தான் !

என்றேனும் நட்பு எனும் பூ
மலர்ந்து விட்டால் என்றென்றும்
அந்த பயணங்கள் முடிவதில்லை !!!

ஒற்றை வார்த்தை !!!

2010-01-10T21:48:00.010+05:30

உயிரே !
ஒற்றை வார்த்தை
கவிதையானது
உந்தன் பெயர் எனக்கு !

அன்பே !
என்னை முற்றிலும்
ஆக்கிரமித்த ஒற்றை
உயிர் நீயடி !

சகியே !
உலகினில் காதலை சொல்ல
வார்த்தைகள் பல தேவைப்படுகையில்
"காதலிக்கிறேன்" என்ற ஒற்றை வார்த்தை
போதுமடி எனக்கு !

ஆம் ,
நான் காதலிக்கிறேன்
என்ற போது,
உன்னை தவிர வேறு
யாராக தான் இருக்க முடியும் !

ஒற்றை வார்த்தையில்
என் ஒற்றை வாழ்க்கையை
சொல்லிவிடுகிறேன் "நீ" என்று !

நினைத்தாலே இனிக்கும் !

2009-12-23T15:12:00.003+05:30

ஈசனின் விளையாட்டால்
பாண்டியனுக்கு கிடைத்த பாக்கியமும்
எனக்கு கிடைக்கவில்லை உன்னாலே,
உன் நாணத்தால் !

உன் கூந்தலின் மணத்தை நுகர்ந்ததில்லை
ஆனால் உன் கூந்தல் என்னை உணர்ந்தது
வாயு பகவானின் திருவிளையாட்டால் !

உட்புற ஆடைகளே மேலாடையாகும்
இக்காலத்திலும் உன் தாவணி
என்னை தழுவிய போது
என் இதயமும்
என்னிடம் இருந்து நழுவியது !

காதல் என்ற பெயரால்
காண்போரை முகம் சுளிக்க
செய்யும் சிலரும் உளர் ;
உன் நிழலுடன் உறவாடவே
எனக்கு அனுமதி அளித்தாய்
சற்று தயங்கியே !

நானும் பல பெண்களை கண்டதுண்டு
சிலரே அதில் கண்ணில் பதிந்தனர் ,
நீ ஒருத்தியே என் நெஞ்சில் நிறைந்தாய் ;

உன்னை கண்ட நொடியின்
நினைவுகளை என்றுமே
நினைத்தாலே இனிக்கும் !!!

சுயநினைவோடு சுயனலமானேன் !!

2009-12-01T00:33:00.004+05:30

உன் அழகால் உன்னிடம்
நான் வீழ்ந்தேனா ?
இல்லை உன் முகம்
கண்டு வியந்தேனா ?

நீ யாரென்று அறிவதில்
ஓர் ஆனந்தம் !
அதை அறிந்தவுடன்
நெஞ்சினில் பேரானந்தம் !

என் கால்கள் விரைந்தன
உந்தன் இடம் தேடி ;
என் இதயம் துடிக்கிறது
உன் நெஞ்சில் ஓர் இடம் நாடி !

நடக்கும் உன் பாதையில்
மலர் தூவ துடிக்கிறது - என் கரங்கள் ;
மஞ்சமாக தவிக்கிறது - என் நெஞ்சம் !

தாலாட்டி சீராட்டி உன்னை
கொஞ்சிடும் தாயாகவும் ,
உன் மடிமீது விளையாடி
நீ கொஞ்சிடும் சேயாகவும் ,
ஆக தான் உயிர் துடிக்குதம்மா !!

நண்பன் என்று நெகிழவில்லை ,
காதலன் என்று கர்வம் கொள்ளவில்லை ,
கணவனாக கனவு காண்கிறேன் ;

என்றாவது நீ கிடைப்பாய் என்றில்லை ,
என்றுமே நீ எனக்கே ! என்றே
கனவு கண்டு சுயநினைவோடு சுயனலமானேன் !!

நாமும் மனிதர்கள் !

2009-11-24T17:49:00.002+05:30

முகத்தின் முன் கை கட்டி,
முதுகின் பின் கை நீட்டி ,
யாசகமாய் வரும் மரியாதை ,

தோழமை என்று சொல்லி
தோளிலே கை போட்டு
கழுத்தினை நெரிக்கும்
நட்புக்கு சமம் ,

கற்பில்லா நடப்பும் ,
நேர்மையில்லா மரியாதையும்
இருந்தென்ன பயன் ?

நட்பு இல்லாவிட்டால் தவறேதுமில்லை
நாமும் மனிதர்களே !
ஆனால் அன்புடன் இருக்க வேண்டும்
நாமும் மனிதர்கள் என்று
நிரூபிக்கவே !

அன்புடன் பழகி ,
ஆதரவாய் இருப்போம் !

வாழ்க மனித நேயம் !

உழைத்திடுவோம் , உயர்ந்திடுவோம் !!!

2009-11-17T18:35:00.001+05:30

நேற்று போல் இன்று இல்லை

என்று வியந்தேன் !

இன்று போல் நாளை இருப்பதில்லை

என்பதை உணர்ந்தேன் !!

தடைகள் தடுமாற வைக்கும் ,

சிலர் நம்மை முதுகினில்

தட்டியும் கொடுப்பார்கள்;

தட்டியும் விடுவார்கள் !

முன்னேறி செல்வதே நம் நோக்கம் ;

ஒற்றை வாழ்வினை சற்றே

வாழ்ந்து தான் பார்ப்போமே !

வெற்றியின் களிப்பை நெஞ்சில் வைத்து

அதன் வேட்க்கையை என்றும்

நம் நினைவில் வைத்து

உழைத்திடுவோம் , உயர்ந்திடுவோம் !!!

வாழ்க்கையே கொண்டாட்டம்

2009-08-25T15:57:00.010+05:30

எனக்கே என்னை பிடிக்கவில்லை;

உனக்கு என்னை பிடிக்கும் வரை !

வாழ்வில் என்ன செய்வது என்றிருந்தேன் ,

உன்னை காதலிக்க வைத்தாய் !

வாழ்வில் அழகை ஆராதிக்க ஆராய்ந்திருந்தேன் ;

பல்கலைக் கழகமாய் என்னை வந்தடைந்தாய் !

இனி ஆராய்ச்சி தான் எதற்கு ?

உன்னை ப‌டிப்ப‌தெத‌ற்கு பார்த்தே

தெரிந்து கொள்கிறேன் !

நான் கண்ட ஒரே பெண் நீ தான் !

என்று பொய் உரைக்க போவதில்லை ;

நானும் பலரை கண்டதுண்டு

காதலித்ததும் காதலிப்பதும் உன்னை மட்டுமே !

கொண்ட காதலினை நிரூபிப்பது கடினமே !

நான் செய்வேன் , என் வாழ்நாளினை

உன்னுடன் வாழ்ந்து கொண்டாடி !

ஆம் ! நீ என்னுடன் இருக்கையில்

அனுதினமும் கொண்டாட்டமே !!!

என் வாழ்க்கையே கொண்டாட்டம்,

கொண்டாடுகிறேன் !!!

ஏக்கம் !!!

2009-08-21T05:27:00.002+05:30

என்னை பற்றியே சிந்திக்க
நேரம் இல்லாமல் அலைந்தேன் !
உன்னை சந்தித்தபின்
சிந்திக்க ஏதடி நேரம் ?
உன் நினைவுகள் புதைந்ததனால்
சிதைந்தது என் மூளை !

இன்றும் ,
என்னை பற்றியே சிந்திக்க
நேரம் இல்லாமல் அலைகிறேன் !
ஆம்! உன்னை சந்திக்கும் நேரம்
மறுபடியும் வராதா ?
என்று ஏங்கியே !

களவாடிய பொழுதுகள் !!!

2009-08-05T12:10:00.002+05:30

சில சில்லறைகள் களவாடிய போது
பதறியது நெஞ்சம்,
சுற்றியுள்ள உலகத்தை நினைத்தே !
உன்னை களவாடி
என்னுள் வைத்த பின்
பதற்றம் ஏதடி ?
என் உலகம் நீயான பின் !!!

அறிதல்

2009-07-19T22:45:00.002+05:30

காதலித்தால் ,
உன்னை நீ அறிவாய் ;
தோற்றால் ,
வாழ்வையே நீ அறிவாய் ! ! !

நினைப்பதெல்லாம் நடப்பதில்லை !

2009-07-14T14:31:00.003+05:30

காத்திருந்தேன் ,

காத்திருக்கிறேன் ,

காத்திருப்பேன் !

என்ற நம்பிக்கையில் தானோ,

நான் சிரித்த போது

முகம் காட்டாதவள்,

என் கல்லறையில் கண்ணீர் சிந்துகிறாள் !

நினைப்பதெல்லாம் நடப்பதில்லை !

வெற்றிடம்

2009-07-10T12:21:00.002+05:30

என் கண்கள்,
உன்னை கொள்ளை கொண்டதும்
என் இதயம் வெற்றிடம் ஆனதே !
பதறவில்லை நீ நிரப்புவாய் என்பதால் ;

பிரியா விடை !!!

2009-06-09T18:13:00.003+05:30

சிற‌குக‌ள் முளைத்த‌த‌னால்
ப‌ற‌ந்து சென்றாயா ?
இல்லை சிக‌ர‌ம் தொட‌ தானே !
உன்னை பிரியும் போது
பெரிதாய் தெரிந்த‌ உல‌க‌ம் ...
உன்னை காண‌
எண்ணும் போது க‌டுகான‌தே...

காவல் தெய்வம்

2009-05-26T11:38:00.001+05:30

காலணியும் காவல்
தெய்வமானது !
உன் கால்களை காப்பதால் !

தூக்கத்தில் வீரநடை !

2009-05-03T23:21:00.005+05:30

தூக்கத்தில் நடக்கிறேன் என்கின்றனர் !
அவர்களுக்கு என்ன தெரியும் ?
நான் தான் கண்களை
மூடிக் கொண்டிருக்கிறேன் ;
மூடிக்கொள்ள மூடனில்லை !
நான் கண்ட உன் உருவம்
நீங்கக் கூடாது என்பதற்காகத் தான் !

உதயத்தால் அபாயம் ....

2009-04-25T23:29:00.003+05:30

இன்னும் விடியவே இல்லை ,
ஆனால் நான் உன் தெரு முனையில்,
மறைவாக தான் !

கைலாயக் கதவுகளாக காட்சியளிக்கும்
உன் வீட்டுக் கதவுகள் திறந்தன ,
என் கண்கள் சற்று சிமிட்டின - ஆம்
நான் காணும் ஒளி நீயல்லவா !

உன் பாதம் படிந்தால் தான் மோட்சம்
என்று காத்திருந்த பூமி மகிழ்ந்தது ,
மிகவும் மகிழ்ந்தது ! ஆம் பூமியில்
விழுந்தது உன் கையில் பட்ட நீரல்லவா !

வாசலை அலங்கரித்தாய் உன்
சித்திரம் மூலம், உன் முகமான
பிரம்மனின் சித்திரத்தின் முன் உன்
சித்திரம் எடுபடாது ;

அட ! என்ன விந்தை
ஆதவனும் உன்னை காண உதிக்கிறானே!

மற்றவர்கள் அறியாமல் உன்னை ரசித்தேன் ;
என்னைக் காணும் முன் செல்கிறேன் ;

உதயத்தால் அபாயம் என் ரசனைக்கு ........

தலைவன்

2009-04-12T23:37:00.008+05:30

தலைவன் தலைதெறிக்க ஓடிக்

கொண்டிருந்தால் தொண்டர்களின்

தொண்டை தான் வறண்டு விடும் ,

ஆம் பின்பற்றுவதற்கு பின்னால் ஓடி ;

தலைவனுக்கு நிறம் எதற்கு ?

ஆயினும் நிதானம் நிரந்தரம் !

கடக்க வேண்டியவற்றைக் காட்டி

துவண்டு போகவிடாமல் பாதையினைக்

கடக்கும் வழிமுறையை தருபவனே தலைவன் !

தலைவன் பிறந்த நாள் கொண்டாடுவது

பரிசு பெறுவதற்கு இருக்க கூடாது ,

தனக்கு வயதாவதை சுட்டி காட்டி

அடுத்தவனை தலையெடுக்க செய்யவே !

தனக்கு பல அடிமைகளை

உருபெற செய்யாமல் தலைவர்கள்

பலரை உருவெடுக்க செய்பவன்

தலைசிறந்த தலைவன் !

மற்ற தலைமகன் எல்லாம்

தலைவன் இல்லை !

குறைகளை நிவர்த்தி செய்து ,

நிறைகளை நிலை நிறுத்தி ,

விழுதுகள் வேறாகும் போது

வேலியாய் இராம‌ல் வ‌ழிவிட்டு ,

தொண்டனை தோண்டிப் புதைக்காமல் ,

தோழனாகத் தோள் கொடுத்து,

தலைவன் ஆக்குபவனே - தலைவன் !

கடமை, கண்ணியம், கட்டுப்பாடு;

2009-04-08T11:57:00.003+05:30

பேர‌றிஞ‌ரின் தொண்டன் ஆனேன் ;
பதறாதே! அரசியலில் குதிக்க வில்லை ;

உன்னை தினமும் பார்ப்பதே என் கடமை;
உன்னை மட்டுமே ரசிப்பதே என் கண்ணியம்;
உன்னை எப்போதும் நினைப்பதே என் கட்டுப்பாடு;

ஆம், எனது கொள்கையும்
கடமை, கண்ணியம், கட்டுப்பாடு;
இப்போது நான் பேர‌றிஞ‌ரின் தொண்டன் தானே;

மறக்க நினை !!!

2009-04-03T11:29:00.008+05:30

மறப்பது நன்றே !
மறந்துவிடு !

வினாவின் விடையை அல்ல ,
வாழ்வின் வலியை !

தோழனின் தோழமையை அல்ல ,
எதிரியின் துரோகத்தை !

எதிரி என்பவன் வாழ்வில் எதற்கு ?
அவனை மறந்து விடு,
அல்லது அவனது துரோகத்தை
மன்னித்து , மறந்து விடு
இரண்டில் ஒன்றே நன்று !

தோல்வியுற்ற காதலின் நினைப்பெதற்கு ?
அதனை வென்று விடுவோம்,
வாழ்வில் கடந்து வருவோம்;

நீ கண்ட தோல்வியின்
வலியை மறந்து விடு ,
அதனை வெற்றியின்
களிப்பாக்க விரைந்து விடு !

ம‌ண்ணாசையினை மறந்து விடுவோம்,
ஆறடி நிலம் நமக்கு இருக்கு;

நமக்கு தேவை என்ற அனைத்தையும்
ஆசை படுவோம், ஆனால்
பேராசையினை மறந்து விடுவோம் ;

மறப்பதை நினைவில் வைப்போம் !

நாம் கடவுள் !!!

2009-03-30T19:18:00.006+05:30

கடவுளே இல்லை ! என்று உரைக்க

நான் நாத்திகன் இல்லை ;

மூட நம்பிக்கைகளால் மூழ்கி

முடங்க நான் முட்டாள் இல்லை ;

கடவுள் என்பது நம்முள் உள்ள நம்பிக்கை;

அதனை நம்பிக்கையுடன் கண்டனர் சிலர்,

கண்களை மூடி மூட நம்பிக்கைகளால்

சிக்கினர் சிலர் ,

நம்பிக்கை தேவை இல்லை,

தன்னம்பிக்கை போதும் என்றனர் சிலர்;

நாத்திகனோ ! ஆத்திகனோ !

நம்மை வெல்ல கூடிய சக்தி இருப்பது உண்மை ;

நம் மனசாட்சியாக கூட இருக்கலாம்;

அதை பற்றி ஆராய நான் சித்தன் இல்லை ;

நம்பிக்கை ஓர் ஆயுதமே , ஆம்

நல்லவை புரியவும் தீயவை செய்யவும்

துணை நிற்பது நம்பிக்கை ,

அதனை பெற்றிருந்தால்

நாமும் கடவுளே !

பெண்

2009-03-17T10:04:00.001+05:30

பிறக்கும் போது அழுகும் குழந்தையினை

கண்டுவிட்டனர் மூடர்கள் ;

பெண் அழுவதற்கே பிறந்தவள் !

என்றனர் மடையர்கள் ;

உண்மையில் அவள் ஆளப் பிறந்தவள் !

பெண் சிசு பெறுவதை சாபம்

என்ற கிறுக்கனுக்கு தெரியாது, அது வரம் என்று ;

பெண் பொறுமை பெற்றவள் ,

அதனாலே பெருமை அவளுக்கு !

அதை மறப்பதால் சிறுமை சிலருக்கு !

சென்னையில் ஓர் மழைக் காலம்

2009-03-13T14:37:00.000+05:30

கேட்கும் போது வருவதில்லை ;

தேவைக்கேற்ப பெய்வதில்லை ;

உன்னை கண்டதும் பேராந்தம் ;

நீ வந்து அன்றாட வேலையில் மந்தம் ;

நீ அளவில் மீறி விட்டால் ,

சாலைகள் சாக்கடை ஆனது ;

ஊழியர்களின் சாலை பணி

மெத்தனமும் வெளி யானது ;

தேவை அற்றதும் மிதந்தது நீ தேங்கியதால் ;

விந்தை இல்லை ,

சென்னை யின் மழைக் காலத்தில் !

ஆம்! இதுவே மழையின் பிழைக் காலம் !

கட்டளை

2009-03-12T09:49:00.006+05:30

வர்ணங்கள் உனக்கா புதிது ? வண்ணத்துப்பூச்சியே !
மலரின் மீது அமர்ந்தாய்,
வெகு நேரம் இருந்துவிடாதே,
வலி எடுத்துவிட போகிறது மலருக்கு,
என்னவள் அழகுக்கு, அழகு சேர்க்க
மலரை பறிக்க சென்றேன்;
அதன் அழகில் லயித்தவன்,
அடிமை ஆனவன்,
அத்தோட்டத்தின் காவலன் ஆனேன் !
மகரந்த சேர்க்கைக்கு,
நீயும் ஒரு காரணகர்த்தா !
அதற்கே உனக்கு இச்சலுகை ;
அமர்ந்து கொள், ரசித்துக் கொள்,
அதன் அழகினை !
இது ஓர் ரசிகனின் அன்புக்கட்டளை !

உறுப்புகளின் உறுத்தல்கள்

2009-03-11T14:22:00.009+05:30

உன்னை தேடி அலைந்தது என் கண்கள் ;

நீ என்னை கண்டதும் ஓடி ஒளிய‌ துடித்தது

என் கால்கள் பயந்து அல்ல, மறைந்து ரசிக்க ;

உன் பெயரையே உச்சரித்தது என் உதடுகள் ,

உன்னிடம் காதலை சொல்லாமல் ;

இசைக்கே இசைந்திடாத என் செவிகள் ,

உன் உதடுகளில்,

ஏதேனும் சத்தம் வெளிப்ப‌டாதா என்று ஏங்கியது ;

உன் பாதங்கள் நடந்தே நோகும் என்று ,

உன் பாதங்களை தாங்க துடிக்கிறது என் கைகள் ;

என் காலம் முழுவதும், உன்னுடன்

நடப்பதையே எண்ணுகிறது என் பாதங்கள்;

என் இதயமோ இவ்வனைதுக்கும் மேல்,

ஆம், உன்னை தவிர வேறெதையும்

ஏற்காமல் வெற்றிடம் ஆனது ;

உறுப்புகள் இப்படி உறுத்திக் கொண்டிருக்க,

இவை எதையும் சிந்திக்காமல், உன்னையே

எண்ணி செய‌லிழ‌ந்து கிடக்கிறது என் மூளை ;

ஏமாற்றிவிட்டேன் - நானில்லை

2009-02-26T21:40:00.006+05:30

என்னை கரு கொண்டவள் கருவிலே
கரைத்திருந்தாலும் வலியினை அறிய
வாய்ப்பில்லை - அறியவா போகிறேன் !

காகிதத்தில் காதலைக் காண்பித்தேன் ;
காற்றிலே விட்டு கருக்கி விட்டாய், என் இதயத்தினை !

உயிர் துறக்க துணிந்திருப்பேன்,
வீரனல்லவா மனதினை மாற்றிவிட்டேன் ;

என்றாவது பருவமழை பொய்த்தால் ,
விவசாயி வியாபாரியில்லை - விளைச்சல் இல்லாததால் ,
வீணாகமாட்டான் நம்பிக்கை இருப்பதால் ;
நானும் தான் - நட்பு இருப்பதால் ;
பெற்றோரே என்னுயிர் தோழர்கள் ;

பெண்ணே !
காதலியாகத்தான் கொடுத்து வைக்கவில்லை ,
நட்புடனாவது பழகு ;
ஒரு நாளாவது உன்னை நினைக்க வைப்பேன் ,
என்னவென்றா ?
' ஏமாந்து விட்டாயடி ' என்று !!!

நம்பிக்கையின் சுகம் !

2009-02-19T21:23:00.004+05:30

காத‌லில் காத்திருப்ப‌தே சுக‌ம் ;என்ற‌

க‌ருத்தினைக் க‌ருவித்திருந்தேன் என்னுள்!

காத‌லில் காத்திருக்க‌லாம் ;

நானோ காத‌லிக்க‌க் காத்துக்கொண்டிருக்கிறேன்;

என் காத‌லை,நீ நிராக‌ரித்துவிட்டால்

சாக‌ மாட்டேன் ,ஆனால் வாழ்வ‌தெப்ப‌டி ;

நீ என்னைக் காத‌லிப்பாய் என்ற‌

ந‌ம்பிக்கையிலே வாழ்ந்து விடுவேன்,

இதுவும் சுக‌ம் தான் ;

புன்னகை பூவே !

2009-02-19T21:14:00.003+05:30

இதயங்கள் இடமாறினாலும்

வெற்றிடம் ஆவதில்லை , ஊடல்கள்

இருப்பினும் உரிமை உடையாது ,

வார்த்தைகள் வ‌ராவிடினும் உத‌டுக‌ளில்

பூக்கும் புன்ன‌கை இருக்கும்,

காத‌ல் இருப்ப‌தால் !

விழுதுகள்

2009-02-08T01:02:00.002+05:30

விழுந்தும் போற்றப்படுகிறாய்!

விழுதே !

உன்னை பற்றி விவாதம் ஏன் ?

குடும்பச் சூத்திரம் சூளுரைத்த

சூத்திரதாரி நீ !

பாரத்தினை வெறுப்பில்லாமல்

பொறுப்புடன் பெற்றோரிடமிருந்து

பெற்றுக்கொள்ளும் பக்குவத்தினை

பிள்ளைகளுக்கு கற்றுவித்தாய் !

நன்றி சொல்லத்தான் வார்த்தை ஏது !

விழுவதும் எழுவதற்கே,

என காட்டிய எடுத்துக்காட்டு !

வாழ்வினில் விழும் முதல் அடி ,

வெற்றியின் உந்துதல் படியே !

என்றுரைத்து, வாழ்க்கைச் சிற்பத்தை

சீர்ரமைத்துடும் உழி நீயே !

உன்னை பற்றி கூற நினைத்தேன் ,

பாராட்ட முற்பட்டேன் ,

இறுதியில் நன்றி தெரிவிக்கும்

வரிகள் குவிந்தன ;

தோழமை இலக்கணம் தந்த சிற்பியே !

வள்ளுவன் கூறிய கூற்றினை ஏற்று ,

நண்பனின் இடுக்கண் கலைந்திடும்

கடமையினை கற்பித்த ஆசானே !

ஆம் ! விழுதாய் இருக்கும் நீ ,

வேறு வழுவினை இழந்ததும் ,

வேறாய் உருவினை மாற்றி ,

வாழ்ந்து கொண்டிருக்கும் வேதம் நீ !

கற்கிறேன் நாளும் உன்னிலிருந்து

நன்றி தெரிவிக்க போவதில்லை கடமைபட்டுள்ளேன் ....

நான் அறியாப் பாதை !

2009-01-29T15:48:00.006+05:30

எங்கே செல்கிறது இப்பாதை ?

நான் அறியாத பேதை ;

தேடிச் செல்வதிலே தனிச் சுவை ,

வெற்றிக்கு அழியா முயற்சியே தேவை !

அறிவுச் சுடர் தான் வழிகாட்டும் ஒளி,

அறிந்த பின் இடை வராது வேலி !

பாதையை மறைத்தது மூடு பனி ,

தேவைகேற்ப பாதை அமைப்பதே நம் பணி !

இத்தருணத்தின் தேவை தொலை நோக்கு பார்வை ,

வெற்றி பாதை ஆக்கிட சிந்திடுவோம் நம் வேர்வை !

(Photo courtesy: CK)

உத்தமர் தினம் !

2009-01-16T11:45:00.004+05:30

அனைத்திலும் அனைவரையும்

அரவணைக்க தினங்கள் பல !

நாம் சோற்றிலே கை வைக்க ,

சேற்றிலே கால் வைக்கும் உத்தமர்களை ,

உள்ளம் நெகிழ வைக்க அவசியம் இல்லை ;

கள்ளம் கபடம் அற்ற உள்ளம் அது !

பிரதிபலன் எதிர் நோக்காத நெஞ்சம் அது !

விளைச்சல் நிலத்தினை வியாபார நலனுக்கு ,

சூட்சமமாக சூழ்ந்து கொள்ளும் நிலைமையில் ,

தன் உயிராய் நேசம் கொண்டு ,

விளையும் பயிரினை முளையும் போதே ,

கண்டறிந்து வளர்த்து ,

நமக்கு அளித்த விவசாய விஞ்ஞானி !

உன்னை உலகறிய உயர்த்தினாலும் ,

உனது உள்ளம் சூது வாது தெரியாது!

புகழ்ந்து பாடத்தான் செய்கிறோம் ,

கர்வம் ஏறாத மகான் ஐயா நீ !

நாட்டின் கலாச்சாரம் உன் நடையிலே !

நாட்டின் வளர்ச்சி உன் வியர்வை துளியிலே !

உன்னை வாழ்த்தாத புலவர் இல்லை !

உன்னை சார்ந்து இராத தலைவன் இல்லை !

உத்தமரே ! உன்னை வாழ்த்தவில்லை ,

வணங்குகிறோம் உழவர் தினத்தில் !

எனக்கானவள் !

2009-01-05T23:44:00.005+05:30

நீ கருப்பா ? சிவப்பா ?
நீ குள்ளமோ ? உயரமோ ?
எதுவும் தெரியாது ;
நான் அறிந்தது
நீ எனக்கானவள் ;
உன்னை விட்டு தர தயார் ,
நான் உயிர் விட்ட பின் ;

நீ என் கை பிடித்து நடக்க
வாழ்க்கையில் கை பிடித்தாய் ;
நானோ ! நீ கை பிடித்துள்ள
நம்பிக்கையில் நடக்க உள்ளேன் ;
உறவுகள் பல விதம் ;
உறவு என்று வந்து உயிரில் கலந்து
என் உயிர் ஆக போகிறவள் நீ ;

நீ யாரென்று எனக்கு தெரியாது ;
என் உயிராக போகிறவள் நீ ,
என் கனவெல்லாம் நீயே !
உருவம் தெரியாது, பிறகு
கனவு எப்படி என்றால் ?
உருவம் இல்லை உணர்வு தான் ;

என்றும் எனக்கே என்றாக போகிறவள் ,
என்றாவது கிடைப்பாளா ? என்று ஏங்கவில்லை !
என்றானாலும் நீ எனக்கே என்ற
நினைவில் நனைகிறேன் !

என்னவளே ! நீ என்றும் எனக்கானவள் !

புத்தாண்டு

2009-01-01T23:17:00.004+05:30

புத்தாண்டு வந்தது, புது தெம்பும் வந்தது ;
குதூகலம் தொடர்ந்தன , உணர்ச்சிகள் உருவெடுத்தன ;
எதிர்ப்புகள் இல்லாத எதிர்பார்ப்பு வளர்ந்தது ;
இலக்குகள் இதமாக தெரிந்தன ;
முதல் நாள் முடிந்து, வருடம் தொடங்கியது ;
நாட்கள் நகர்ந்தது, மாதங்கள் மலர்ந்தது ;
முன்னேற்றங்கள் தள்ளாட்டங்கள் பகிர்ந்தன ;
பக்குவம் வளர்ந்தது , புத்தாண்டு தின
உறுதி மொழிகள் கனவுகள் ஆனது ;
இதோ டிசெம்பரும் வந்தது ,
இத்தனை நாட்கள் நிமிடமாக கடந்தது ;
இம்மாதம் நொடியென கடப்பதில் ஐயம்யேது !
ஆம் , அடுத்த வருடம் துவங்கும் நேரம் ,
உறுதி மொழிகளை உறுதியுடன் ஏற்க தயார் ,
புதிய எதிர்பார்ப்புடன் புதிய வருடம் ஏற்க தயார் ,
பகிர்ந்தது புத்தாண்டு வாழ்த்துக்கள் ,
புத்தாண்டு வந்தது, புது தெம்பும் வந்தது !

இயலாமல் போகுமா ?

2008-12-30T23:09:00.003+05:30

ஏமாற்றம் ஏணிப்படிகளே !

எதிர்பார்ப்பு எதற்கு ? எதிர்த்து நிற்போம் ,

தோல்வியை தோற்கடிப்போம் ;

செல்லும் இடத்தைக் காட்டும்

மைல் கல்லே - வெற்றிகள் ;

வெற்றியை வென்றால் தான்

இலக்கை அடைய முடியும் !

நான் குழப்பவில்லை , புரியவில்லையா ?

தெரிந்துகொள் , வெற்றியின் களிப்பில்

கர்வம் கரைப் புரண்டு தலைக்கேறிவிடும்,

அதனை வென்றுவிட்டால் இலக்கினை

அடைவது இயலாமல் போகுமா ?

ஏன் இல்லை மனமே ?

2008-12-09T21:47:00.003+05:30

ஏழு கடல் தாண்டி இருக்கும்

மலைகள் தாண்டி , உழைக்க

நம்மை வருத்தி செல்கிறோம் ;

ஒற்றை தமிழ் சொல் கேட்டுவிட்டால்

அமிர்தத்தை வென்ற அமரர்கள் போல்

முகம் மலர்கிறோம் ! ஆனால்

கண் பார்வைக்கு எட்டியும் ,

நம் கை துடைக்கும் தொலைவில் இருந்தும்

அங்கே துடிக்கும் ஈழத்தமிழனுக்கு

கை கொடுக்க ஏன் இல்லை மனமே ?

பாசம்

2008-12-01T23:50:00.004+05:30

கடற்கரை மணலில்,

கையினை கெட்டியாக பிடிக்குமாறு,

சொன்ன பெற்றோரை பார்த்து

தனக்கு தானே சொல்லிக் கொண்டது ,

பிடித்துக் கொள்கிறேன்;

நான் தொலைந்து விடுவேன்,

என்பதற்கு இல்லை ;

இறுதிவரையில் உங்களுடன் வந்து

துணை நிற்பதற்கே !

வார்த்தை

2008-11-10T23:18:00.003+05:30

நாணயத்தின் இரு பக்கங்கள்

போலத் தான் இரு முகம் கொண்டது , காதல் !

வென்றவரும் , சென்றவரும் ,

ஏனெனில் தோற்பவன் இல்லை !

காத்திருக்க முடியாமல் சென்றவன் தான் !

அப்படி சென்றவன் (தோற்றவன்) இருப்பின் ,

இதோ !

அவனது வரிகள் ,

உன்னை என் வாழ்க்கை புத்தகத்தில்

பக்கங்களாக்க கருதினேன் , நீயோ

ஒரு பாடமாக இருக்கிறேன்

என்று நழுவிவிட்டாய் !

இதோ !

வென்றவன் வரிகள் ,

அவருக்கு ஏது வரிகள் ,

வார்த்தை தான் ' வாழ்வோம் '

என்ற சொல் !

மருந்து

2008-10-30T22:05:00.003+05:30

என்ன தான் அடி ! காதல் ,
என்னைத் தருகிறேன் என்று
என்னைத் தொலைக்கிறேன் ;
தொலைப்பதை விரும்பி , அறிந்து,
தருவது போல் தொலைகிறேன் ;
இதுவும் சுகமே !
வயதை தொலைத்து அனுபவம் அடைகிறோம் ;
நானோ உன்னை அடைகிறேன் !
இது போதாத எனக்கு ,
போதும் என்ற மனமே
பொன் செய் மருந்தல்லவா !

அகரம் ! .......

2008-10-06T22:16:00.007+05:30

அதிசயங்களை அனுபவிக்கவில்லை ;

அதிசயங்கள் அதிசயிக்கவில்லை ;

அறிவதெதற்கு !

அதிசயங்களும் அதிசயக்கும் அதிசயம் ;

அட அருமை !

அவள் அருகினில் அமர்ந்திருப்பதாலே

அடியேன், அறிவேன் .......

சிந்தனை

2008-09-23T22:04:00.004+05:30

சற்று சிந்தனையில் ஆழ்ந்திருந்தேன் !

புலவர்கள் திறமைகள் பல பெற்றும்

வறுமையினால் யாசிக்கின்றனர் !

நான் ராஜா வீட்டுக் கன்றுக்குட்டி இல்லை ;

என் வீட்டிற்கு நானே ராஜா !

இருந்தும் யாசிக்கிறேன் ,

வேறு யாரிமும் இல்லை உன்னிடம் தான் !

வறுமையினாலா ? இல்லை ,

மன வெறுமையினால் !

என் மனதில் நிரம்புவாயா ?

அனுபவம்

2008-09-15T23:25:00.004+05:30

அனுபவம் தான் நம்மில் ஆண்டவனை

அவதரிக்க செய்யும் என்று

அறிவுறுத்தினாய்; காதல் அனுபவம்

இல்லை என்றிருந்தேன் ,

அதனை போக்கவே தான் காதலை

அனுபவிக்கவிட்டு பிரிகிறாயா ?

இனி ஒரு போதும் பெற மாட்டேன்

இந்த அனுபவத்தை !

நினைவுகள்

2008-09-08T01:32:00.009+05:30

நீ அறிந்தவர்கள் பலர் !
அவர்களுக்கு நீயோ ,
அவர்கள் அறிந்த பலருள், நீயும் ஒருத்தி !
ஆனால் எனக்கோ, நான் அறிந்த
சிலருள் கிடைத்த பொக்கிஷம் நீ !

அவர்கள் உன்னை நினைப்பதை பற்றி
நீ நினைத்ததும் இல்லை !
நினைக்க போவதும் இல்லை !!

நீ என்னை பற்றி நினைத்திருக்க மாட்டாய் ,
நீ ஏன் என்னை நினைக்கவில்லை ,
என்பதனை பற்றி நான் சிந்தித்ததும் இல்லை !
சிந்திக்க போவதும் இல்லை ;
நீ என்னை ஏன் என்று கேட்டால்
' நேரம் இல்லை ! ' என்பது தான் என் பதில் ;

ஆம், கண் இமைகள் சில சமயம்
இமைக்க மறக்கலாம், என் இதயமோ
உன்னை நினைக்க மறக்காது ;
என்றென்றும் உன்னை நினைத்துக்
கொண்டிருப்பதால் மற்றவை பற்றி
சிந்திக்க நேரம் தான் ஏது !!!

உன்னை நினைத்து கொண்டிருக்கையில்
மற்றவை எனக்கு எதற்கு ???

மன்னர்கள் ஆவோம் !

2008-08-24T17:04:00.003+05:30

நிஜங்களுக்கு அதன் நிழலே சாட்சி !
நம் நினைவுகளுக்கோ உதடுகள்
பிளந்து பூக்கும் புன்னகை தான் !
புன்னைகை மன்னர்கள் ஆவோம் !
சிரித்து வாழ்வோம் !!!

பொறுப்பில்லாதவன்

2008-08-20T16:35:00.002+05:30

இவ்வுலகத்தினை ஒரு நொடி நினைத்திட

உள்ள விஷயங்களோ பல கோடி ;

இன்றைய விலைவாசி உயர்வினில்

என் ஒரு நொடியின் விலையோ பல கோடி ;

அலைகிறேன்! என் நிலை தேடி ,

பின் எப்படி கிடைக்கும் நாட்டை நினைத்திட

ஒரு நொடி ! .....

என்னை பொறுப்பில்லாதவன் என்றனர்

தன் நிலை அறியாமல் தெருக்கோடியில்

நின்றோர் !!!

குறை

2008-08-17T19:53:00.003+05:30

காதலை அனுபவித்தவர் பலர் ,
சற்று வித்தியாசத்திற்கு அதனை
ஆராய முயற்சிக்கிறேன் !
காதலால் தோற்று வெறுமை ஆனவர்
உண்டோ ? என்பதற்கு உண்டு !
இதனைச் சொல்பவர் இல்லாமல் இல்லை
அவர்களுக்கு இதோ ,
காதலால் நிச்சயம் இருக்க‌ முடியாது;
நீ நேசிப்பவரால் இருக்கலாம்
ஏனெனில் காதல் குற்றம் அறியாது,
பயமும் அறியாது ;
காதலில் தோல்வி அடைய பரீட்சை இல்லை ,
உணரும் உணர்ச்சியாகும் , உணர முடியவில்லை எனில்,
உன்னில் தான் குறை
பின்பு காதலை குறை சொல்வது ஏன் ?

மொழி

2008-08-17T01:51:00.003+05:30

ஒரு கவிதையினை எழுதுவதற்கு

பல வார்த்தைகளை தேடி தவித்த நான் ,

உன்னுடன் பேசும் போது தவித்ததில்லை , ஆம்

மௌனமே மொழியானது !

தாய் மண்ணே வணக்கம் !!!

2008-08-15T21:35:00.007+05:30

என்னவளே !!!
நீ புன்னகைத்தாலும்,
இல்லை புறக்கணித்தாலும் ;
இறுதியில் ஆறடி மண்ணை முத்தமிட்டாலும்,
இல்லை சாம்பலாய்
தீக்கு இறையாகினாலும்;
தாய் மண்ணே என்னை தாங்க போகிறாள்
எனவே என்றும் உனக்காக எழுதியவன்
இன்று தாய் மண்ணுக்கு வைக்கிறேன்
என் வீர வணக்கங்களை !!!
தாய் மண்ணே வணக்கம் !!!

பாராட்டு

2008-08-10T15:14:00.005+05:30

என் இரவும் நீண்டது ,

என் எழுத்தும் தொடர்ந்தது ,

சிந்தனை சிறகடித்தது ,

படித்துவிட்டு பாராட்டுக்கள் பறந்தன ;

ஆனால் நான் பெரிதும் விரும்பும்

உனது பாராட்டு எனக்கு இல்லை

ஏனெனில் நான் எழுதியது

உன் பிரிவைப் பற்றித் தானே !!!

உன்னையே மறந்தேன் !

2008-08-07T21:56:00.005+05:30

காதலிக்கும் போது என்னை மறந்தவன் ,

கவிதையாய் கிறுக்கும் போது உன்னை மறந்தேன் ;

பதறாதே ! நான் கிறுக்குவது தோழியைப் பற்றியது ;

காதலிப்பவள் தோழியைவிட சிறியவளா ?

என வினவலாம் ;

நீ தோழியாய் தோள் கொடுத்ததை விட

காதலியாய் என் காதினைப் பிடித்து சினுங்கியதே

நினைவிற்கு வருகிறது நான் என்ன செய்வேன் !

காதலை சொல்லும் முன் உன் தோழியுடன்

பேசினால் , பேசவிட்டு என்னை ஆராய்ந்த நீ ;

உன்னை காதலிக்கும் போது உன் தோழியுடன்

பேசினால் ஏன் எங்கள் உறவை ஆராய்கிறாய் ;

நட்பு தான்

2008-08-07T21:46:00.005+05:30

காதலில் உன் உயிரை பறிகொடுப்பாய்

நட்பில் அதனை விட்டுக் கொடுக்க முடியும் ;

காதலில் கனவையும் வீணடிப்பாய்

நட்பில் சாகும் வரை சலிக்கமட்டாய் - வாழ்வதற்கு ;

அடுத்தவன் காலில் விழும் தருணத்தைத்

தாங்கிப் பிடிக்கும் நட்பு - ஆனால்

மானங் கெட வைத்து விடும் காமங் கொண்ட காதல் ;

காலத்தின் காலினை வாரிவிட்டு காலனைக்

கதவின் முன் நிறுத்தும் காதலைக் காதலும் கேட்காதே ;

நலம் கொழிக்கும் நடப்பினை போற்றுவோம்

நட்பை இருப்போம்; நட்போடு வாழ்வோம் !