குடிய‌ர‌சு தின‌ வாழ்த்துக்க‌ள் !!!

வெங்காய‌த்தின் விலை
வெறி கொண்டு ஏறி இருக்க‌,
எரிபொருளின் விலை
வ‌யிற்றெச்சிலை கூட்ட‌;

மாநில‌ங்க‌ளின் எண்ணிக்கை
ம‌க்க‌ள் தொகைய‌ள‌வுக்கு பெருக்கிட‌
கொதித்திடும் கொள்கைவாதிக‌ளால்,

குடிய‌மைக்க‌ க‌ஷ்டப்ப‌டும் குடிய‌ர‌சாய்
ஆள‌ப்ப‌டும் அன்னை பூமி !

குடிம‌க‌னாய் குடிய‌ர‌சு தின‌ வாழ்த்துக்க‌ள் !!!

வாழ்க்கைய‌டா!!!

வ‌ருவ‌தை தேடி,
இருப்ப‌தை துற‌ந்து,
பற‌க்கின்ற‌ உல‌கினில்,
ஓட‌த் துடித்து,
ந‌டந்து கொண்டிருக்கும்,
வாழ்க்கைய‌டா!!!

போற்றிடும் உல‌க‌ம்!

சில‌ந்தியின் வ‌லையினைப் போல்

சித‌ற‌ல்க‌ளாய் க‌ன‌வினை சேர்க்கும்

அப்பாவிகளாய் நாம் இருக்கையில்,

இருந்த‌ இட‌த்தில் இறையினை

இழுத்துவிடும் த‌வ‌ளைக‌ளை

மேதாவிக‌ளாய் போற்றிடும் உல‌க‌ம்!

தியாக‌ம் !!!

ம‌ன‌ம் விரும்பி இழ‌ப்ப‌தா?

இழ‌ந்த‌தை நினைக்காம‌ல் இருப்ப‌தா?

இழ‌ந்த‌தை தாங்கும் ச‌க்தியா?

புண்ணிய‌த்தின் தேட‌லா?

க‌ண்ணிய‌த்தின் காண‌லா?

வேட்கை

சுத‌ந்திர‌ம் அடைந்திட்ட‌ வேட்கை கண்டிலேன்;
குதூக‌ள‌ம் அடையும் வேடிக்கை காண்கிறேன்;
வேட்கை விடுத்து வேடிக்கை தேடிடும் இக்கால‌ம்,
வேடிக்கைக்கு இல்லை அக்கால‌ வேட்கை,
அக்கால‌ க‌ன‌வினை இக்கால‌த்தில் உழைத்திட்டு,
எக்கால‌மும் பொற்கால‌ம் ஆக்குவோம்;
இச்சுதந்திர‌ தின‌த்தில் வேட்கையை வேறூற்றுவொம்!

தனிமை!

என்னை சுற்றி இருந்த
வெறுமை தான் தனிமையோ !
என்னை எனக்கு அறிய
வைத்த நிலைமை இனிமையே !

நினைத்ததை செய்தவனை
செய்வதை நினைக்க வைத்த அருமை !
எதையும் செய்யும் சுதந்திரம் ஆனால்
அதன் வெறுமை தருத்திரம் கொடுமை !

தனிமை வாழ்வினில் வரலாம்
ஒரு வேளையினில்- இடைவேளையிலே !!!

வல்லவன்

உம்மை யாம் பார்த்ததும் இல்லை,
உன்னுடன் பேசியதும் இல்லை ,
நீ பேச நான் கேட்டதும் இல்லை ;

என்னை உன் சிந்தனை கவர்ந்தது ,
உன் எழுத்துக்கள் வீழ்த்தியது ,

இன்று புலவன் என்பவரின்,
ஐயம் தீர்த்த ஐயன் நீ ;

எம் தாய் மொழி இன்று செம்மொழி
அதனை நன் மொழியாக்கியவன் நீ ;

நீ சொல்லிடாத தலைப்புக்கள் இல்லை ,
அதை புகழ்ந்திடாத நாவும் இல்லை ,
அதனை எதிர்திடும் சமயம் உண்டோ !

உன் எழுத்தின் சுவை அறிய ,
தமிழை அறிந்தனர் அறிஞர் பலர் ,
தமிழின் வலிமை ஏற்றிய வல்லவன் நீ,
உன்னை வள்ளுவன் என்பவன் நான் ;

நான் தமிழன் என்ற கர்வத்தை விட ,
நீவீர் தமிழன் என்பதில் பெருமை
கொள்ளும் சாமான்யன் ;

உன்னை பெருமைபடுத்த
நான் கூறும் வார்த்தை
உன் புகழின் முன் சிறுமையே !

இது உமக்கு என் சமர்ப்பணம் ,
என்றும் தமிழில் உண்டு
உனக்கு ஓர் சிம்மாசனம் !

அரசியல் , அரசியலா

அரசியல் ,
அரிசியிலும் வந்தாச்சு ,
குழைத்திடும் குரனையாய் ;
படிப்பிலும் புகுந்தாச்சு ,
கொட்டிடும் தேளாய் ;
மக்களும் ஏமாந்தாச்சு,
தேர்தல் எனும் பெயரால் ;
கட்சியும் மாறியாச்சு ,
காட்சியில் மாற்றம் இல்லை ;
சொற்கள் பல கேட்டாச்சு ,
பொருள் ஏதும் விளங்க வில்லை ;


அரசியல் ,
அரசால் இயலும் ;
என்ற நம்பிக்கை ,
அரசியலா? ,
அரசால் இயலுமா ?
என்று சிதைந்தாச்சு ;


அரசியலா ,
பலரும் இதை பேசியாச்சு ,
எங்கும் இல்லை முன்னேற்றம் ;
ரொம்பவும் ஏங்கியாச்சு ,
எங்காவது எதிலாவது
வருமா முன்னேற்றம் !

மாற்றம்

மாற்றத்தினால் ,
சிலருக்கு ஏமாற்றம் ,
சில சமயம் தடுமாற்றம் ;

மாற்றம்,
மாற்றிடுமே சிலரது தோற்றத்தை,
பெற்றிடுமே சிலருக்கு ஏற்றத்தை ;

மாற்றத்தினால்,
மாறலாம் நமது சுற்றம் ,
மாறிவிடும் வாழ்வின் ஓட்டம் ;

மாற்றம் ,
மாற்றிடுமே அனைத்தையும் ஆனால் ,
மாற்றம் என்றுமே மாறாதது ;

கொண்டாடுவோம் !

வெற்றி என்ற போதையை

தலைக்கு ஏற்றாமல் ,

தோல்வியின் தாக்கத்தில்

தடம் புரளாமல் ,

காதல் என்ற இளஞ்சாரலில்

இளைப்பாறினால் தவறேது ;

நட்புடன் நடை போட்டாலும் ,

பிறந்து விட்டோம் என்று வாழாமல் ,

வாழ்வதற்கே பிறந்தோம் ,

அதுவும் வெல்வதற்கே ! என்று

வாழ்வினை கொண்டாடுவோம் !

கற்போம் !!!

சரித்திரம் படிக்க கற்றோம்,
அதனை படைக்க கற்போம்;

இயற்கையை ரசிக்க கற்றோம்,
அதனை பாதுகாக்க கற்போம்;

வாழ்க்கையை வாழ கற்றோம்,
அதனை வெல்ல கற்போம்;

எதிரியை மன்னிக்க கற்றோம்,
துரோகியை மறக்க கற்போம்;

காதலியை நேசிக்க கற்றோம்,
காதலை சுவாசிக்க கற்போம்;

கற்றதோ கடுகளவு , கற்க வேண்டியவை
கடலளவு ஆயினும் கற்போம் !!!

பயணங்கள் முடிவதில்லை !!1

இரயில் சிநேகிதமும்
ஓர் மலரன்றோ !
ஏனெனில் அவை வெகு காலம்
இருப்பதில்லையே !

மலர்களிலே குறிஞ்சி மலரும்
இருப்பது போல் ,
இரயில் சிநேகிததில்
குறிஞ்சி மலரும் பூப்பதுண்டு !
அம்மலருக்கும் விட்டில் பூச்சியின்
வாழ்வே தான் !

என்றேனும் நட்பு எனும் பூ
மலர்ந்து விட்டால் என்றென்றும்
அந்த பயணங்கள் முடிவதில்லை !!!

நாமும் மனிதர்கள் !

முகத்தின் முன் கை கட்டி,
முதுகின் பின் கை நீட்டி ,
யாசகமாய் வரும் மரியாதை ,

தோழமை என்று சொல்லி
தோளிலே கை போட்டு
கழுத்தினை நெரிக்கும்
நட்புக்கு சமம் ,

கற்பில்லா நடப்பும் ,
நேர்மையில்லா மரியாதையும்
இருந்தென்ன பயன் ?

நட்பு இல்லாவிட்டால் தவறேதுமில்லை
நாமும் மனிதர்களே !
ஆனால் அன்புடன் இருக்க வேண்டும்
நாமும் மனிதர்கள் என்று
நிரூபிக்கவே !

அன்புடன் பழகி ,
ஆதரவாய் இருப்போம் !

வாழ்க மனித நேயம் !

உழைத்திடுவோம் , உயர்ந்திடுவோம் !!!

நேற்று போல் இன்று இல்லை

என்று வியந்தேன் !

இன்று போல் நாளை இருப்பதில்லை

என்பதை உணர்ந்தேன் !!

தடைகள் தடுமாற வைக்கும் ,

சிலர் நம்மை முதுகினில்

தட்டியும் கொடுப்பார்கள்;

தட்டியும் விடுவார்கள் !

முன்னேறி செல்வதே நம் நோக்கம் ;

ஒற்றை வாழ்வினை சற்றே

வாழ்ந்து தான் பார்ப்போமே !

வெற்றியின் களிப்பை நெஞ்சில் வைத்து

அதன் வேட்க்கையை என்றும்

நம் நினைவில் வைத்து

உழைத்திடுவோம் , உயர்ந்திடுவோம் !!!

அறிதல்

காதலித்தால் ,
உன்னை நீ அறிவாய் ;
தோற்றால் ,
வாழ்வையே நீ அறிவாய் ! ! !

தலைவன்

தலைவன் தலைதெறிக்க ஓடிக்

கொண்டிருந்தால் தொண்டர்களின்

தொண்டை தான் வறண்டு விடும் ,

ஆம் பின்பற்றுவதற்கு பின்னால் ஓடி ;

தலைவனுக்கு நிறம் எதற்கு ?

ஆயினும் நிதானம் நிரந்தரம் !

கடக்க வேண்டியவற்றைக் காட்டி

துவண்டு போகவிடாமல் பாதையினைக்

கடக்கும் வழிமுறையை தருபவனே தலைவன் !

தலைவன் பிறந்த நாள் கொண்டாடுவது

பரிசு பெறுவதற்கு இருக்க கூடாது ,

தனக்கு வயதாவதை சுட்டி காட்டி

அடுத்தவனை தலையெடுக்க செய்யவே !

தனக்கு பல அடிமைகளை

உருபெற செய்யாமல் தலைவர்கள்

பலரை உருவெடுக்க செய்பவன்

தலைசிறந்த தலைவன் !

மற்ற தலைமகன் எல்லாம்

தலைவன் இல்லை !

குறைகளை நிவர்த்தி செய்து ,

நிறைகளை நிலை நிறுத்தி ,

விழுதுகள் வேறாகும் போது

வேலியாய் இராம‌ல் வ‌ழிவிட்டு ,

தொண்டனை தோண்டிப் புதைக்காமல் ,

தோழனாகத் தோள் கொடுத்து,

தலைவன் ஆக்குபவனே - தலைவன் !

மறக்க நினை !!!

மறப்பது நன்றே !
மறந்துவிடு !

வினாவின் விடையை அல்ல ,
வாழ்வின் வலியை !

தோழனின் தோழமையை அல்ல ,
எதிரியின் துரோகத்தை !

எதிரி என்பவன் வாழ்வில் எதற்கு ?
அவனை மறந்து விடு,
அல்லது அவனது துரோகத்தை
மன்னித்து , மறந்து விடு
இரண்டில் ஒன்றே நன்று !

தோல்வியுற்ற காதலின் நினைப்பெதற்கு ?
அதனை வென்று விடுவோம்,
வாழ்வில் கடந்து வருவோம்;

நீ கண்ட தோல்வியின்
வலியை மறந்து விடு ,
அதனை வெற்றியின்
களிப்பாக்க விரைந்து விடு !

ம‌ண்ணாசையினை மறந்து விடுவோம்,
ஆறடி நிலம் நமக்கு இருக்கு;

நமக்கு தேவை என்ற அனைத்தையும்
ஆசை படுவோம், ஆனால்
பேராசையினை மறந்து விடுவோம் ;

மறப்பதை நினைவில் வைப்போம் !

நாம் கடவுள் !!!

கடவுளே இல்லை ! என்று உரைக்க

நான் நாத்திகன் இல்லை ;

மூட நம்பிக்கைகளால் மூழ்கி

முடங்க நான் முட்டாள் இல்லை ;

கடவுள் என்பது நம்முள் உள்ள நம்பிக்கை;

அதனை நம்பிக்கையுடன் கண்டனர் சிலர்,

கண்களை மூடி மூட நம்பிக்கைகளால்

சிக்கினர் சிலர் ,

நம்பிக்கை தேவை இல்லை,

தன்னம்பிக்கை போதும் என்றனர் சிலர்;

நாத்திகனோ ! ஆத்திகனோ !

நம்மை வெல்ல கூடிய சக்தி இருப்பது உண்மை ;

நம் மனசாட்சியாக கூட இருக்கலாம்;

அதை பற்றி ஆராய நான் சித்தன் இல்லை ;

நம்பிக்கை ஓர் ஆயுதமே , ஆம்

நல்லவை புரியவும் தீயவை செய்யவும்

துணை நிற்பது நம்பிக்கை ,

அதனை பெற்றிருந்தால்

நாமும் கடவுளே !

பெண்

பிறக்கும் போது அழுகும் குழந்தையினை

கண்டுவிட்டனர் மூடர்கள் ;

பெண் அழுவதற்கே பிறந்தவள் !

என்றனர் மடையர்கள் ;

உண்மையில் அவள் ஆளப் பிறந்தவள் !

பெண் சிசு பெறுவதை சாபம்

என்ற கிறுக்கனுக்கு தெரியாது, அது வரம் என்று ;

பெண் பொறுமை பெற்றவள் ,

அதனாலே பெருமை அவளுக்கு !

அதை மறப்பதால் சிறுமை சிலருக்கு !

சென்னையில் ஓர் மழைக் காலம்

கேட்கும் போது வருவதில்லை ;

தேவைக்கேற்ப பெய்வதில்லை ;

உன்னை கண்டதும் பேராந்தம் ;

நீ வந்து அன்றாட வேலையில் மந்தம் ;

நீ அளவில் மீறி விட்டால் ,

சாலைகள் சாக்கடை ஆனது ;

ஊழியர்களின் சாலை பணி

மெத்தனமும் வெளி யானது ;

தேவை அற்றதும் மிதந்தது நீ தேங்கியதால் ;

விந்தை இல்லை ,

சென்னை யின் மழைக் காலத்தில் !

ஆம்! இதுவே மழையின் பிழைக் காலம் !