தனி ஒருவன் !!!

பெற்றவளும், எந்தன் பெருமை அறிவாள்,

என்னவளும், எந்தன் எண்ணம் அறிவாள்,

உடன் பிறந்தவளும் எந்தன் உண்மைகள் அறிவாள்,

அவரவர்  புத்தகங்களின் தலைப்பானவன் !

அவரவர் பக்கங்களில் மற்றவனானேன் !!

அறிவாளால் அறுபட்ட  தனி ஒருவன் !!!  

ஆனந்த கண்ணீர் !!!

ஆனந்தமே கண்ணீராய் !
வெற்றியின் கனம்,
தலையில்  செல்லாமல் !
தோல்வியின் ரணம்,
இதயத்தை இடித்திடாமல் !
வெற்றியை வென்றிடவும்,
தோல்வியிடம் தோற்று விடாமலும் !
உள்ளத்தின் உருக்கமான
உரையாடல் - ஆனந்த கண்ணீர் !!!

சிதறல்கள் !!!

கிடைக்கும் முன் ஆசைப்படு,
கிடைத்த பின் பெருமைப்படு !!!

நினைக்க தெரிந்த மனத்திற்கு,
நினைக்காமல் இருக்க தெரிவதில்லை!!! 

கைகள்,

இணைகையில் சத்தம் சாத்தியம் இல்லை !

அடிக்கையில் சத்தம் சத்தியமே !!!

எதுவாக இருந்தாலும்,
நீ என்னுடன் இருக்கையில் 
ஏதுவாகத் தான் இருக்கும் !!! 

சந்தர்ப்பம் கடக்கும் வரை, 
கடைசி வரை அல்ல !! 

வீர நடை போட !!!

என்றென்றும்,
என் நண்பர்கள்
என் பின்னே
உடனிருக்க வேண்டும்;
என்றேனும் ,
என் முதுகில்
குத்துபவர்கள் பயந்தோட,
நட்புடன்,
நாங்கள் வீர நடை போட !!!

சிதறல்கள் !!!

தேவைபடுவதை தேவையான அளவு வைத்துக் கொள்வோம், இஷ்டப்பட்டதை நம் இஷ்டத்திற்கு ஆசைபடுவோம் !!! 

நரம்பில்லாத மனிதனுக்கு உயிரில்லை,
நட்பில்லாத உயிர் மனிதனே இல்லை !!!
மனிதனாக்கிய நண்பர்களுக்கு
நண்பர்கள் தின வாழ்த்துக்கள்!!!

விலகிச் செல்ல ஆயிரம் பொய்கள் முன்மொழியலாம்,
விட்டுக் கொடுக்க ஒரு காரணத்தை மனம் மொழிந்திடல் போதுமானதே!

காதல் தோல்வி வார்த்தையில் அறியலாம்,
நட்பின் தோல்வி வலியிலே வெளிப்படும்... 

உடைமைகள் உடைந்தாலும்,
கடமைகளை கச்சிதமாக கடக்கையில்,
ஓர் களிப்பு !!   

நிலை !!!

சந்தர்ப்பங்களில் சந்தோஷம்;
வாய்ப்புகளால் வாழ்க்கை !!
என்றானது இன்றைய நிலை !!!

வலி !

ஒன்றை வேண்டாம் என்று நிராகரிப்பதால் -
 நிராகரிக்கப்பட்டதின் வலி !
ஒன்றை வேண்டும் என்று நிராகரிக்கப்படுவதால் -
நிராகரித்ததின் வலி !!