வெறுமை !!

உன் செவிகள் அனைவரது
வார்த்தைகள் கேட்க இருப்பின்,
உன் வார்த்தைகளுக்கு
செவிகள்  தேடுவது
வெறுமை !!

ஆதலால்!

உள்ளம் உணர்ந்ததால்,
உருவம்  உதாசீனப்பட்டது;
புன்னகை  புரிந்ததால்,
கோபம் ஆட்கொள்ளப்பட்டது;
ஆதலால்!  உன்னால்!
என்னால்!  நம்மால்!
காதல், காமத்தை வென்றது!!!

அனுபவம் !

சம்பாத்தியம், சாமர்த்தியம் அல்ல;
சேமிப்பே! கவனிப்பை பெறுகிறது !!!


வாழ்க்கையை!
நிகழ்வுகளும், நபர்களும்
வெறுக்கச் செய்தாலும் !
நிஜங்களும், நன்மைகளும்
ரசிக்க வைத்திடும் !!!

வார்த்தையின் வலுவும்,
துரோகத்தின் துருவும்,
அன்பினாலே ஆறும் !
அரவணைப்பில் ஆறுதல் அடையும் !!

நிறையில்லா அனைத்தும் குறையல்ல !!!

நிறைவேறாத ஆசைகளை காட்டிலும்
கேட்கப்படாத ஆசைகளே நிராசையாய்
நின்று விடுகிறது !!!

திரும்பியவர்கள் எல்லாம் திருந்தியவர்கள் இல்லை; திருந்தியவர்கள் எல்லாம் திரும்பியவர்களே !!!

என் தோல்விக்கு நானே பொறுப்பு, ஆனால் நான் மட்டுமே காரணம் இல்லை !!

தொடரும் !!!

நினைப்பதை சொல்வதும் !
சொல்வதை புரிவதும் !
புரிந்ததை அறிவதும் !
அறிந்ததை பகிர்வதும் !
பகிர்வதை தெரிவதும் !
தெரிந்ததை நினைப்பதும் ......
தொடரும் !!!

சகிப்பு

சிரிப்பில் சகிப்பு, 
சகிப்பின் சிரிப்பு ! 
சகிப்பில் சிரிப்பு, 
சிரிப்பின் சிறப்பு!!!

தனி ஒருவன் !!!

பெற்றவளும், எந்தன் பெருமை அறிவாள்,

என்னவளும், எந்தன் எண்ணம் அறிவாள்,

உடன் பிறந்தவளும் எந்தன் உண்மைகள் அறிவாள்,

அவரவர்  புத்தகங்களின் தலைப்பானவன் !

அவரவர் பக்கங்களில் மற்றவனானேன் !!

அறிவாளால் அறுபட்ட  தனி ஒருவன் !!!  

ஆனந்த கண்ணீர் !!!

ஆனந்தமே கண்ணீராய் !
வெற்றியின் கனம்,
தலையில்  செல்லாமல் !
தோல்வியின் ரணம்,
இதயத்தை இடித்திடாமல் !
வெற்றியை வென்றிடவும்,
தோல்வியிடம் தோற்று விடாமலும் !
உள்ளத்தின் உருக்கமான
உரையாடல் - ஆனந்த கண்ணீர் !!!