உறுப்புகளின் உறுத்தல்கள்

உன்னை தேடி அலைந்தது என் கண்கள் ;

நீ என்னை கண்டதும் ஓடி ஒளிய‌ துடித்தது

என் கால்கள் பயந்து அல்ல, மறைந்து ரசிக்க ;

உன் பெயரையே உச்சரித்தது என் உதடுகள் ,

உன்னிடம் காதலை சொல்லாமல் ;

இசைக்கே இசைந்திடாத என் செவிகள் ,

உன் உதடுகளில்,

ஏதேனும் சத்தம் வெளிப்ப‌டாதா என்று ஏங்கியது ;

உன் பாதங்கள் நடந்தே நோகும் என்று ,

உன் பாதங்களை தாங்க துடிக்கிறது என் கைகள் ;

என் காலம் முழுவதும், உன்னுடன்

நடப்பதையே எண்ணுகிறது என் பாதங்கள்;

என் இதயமோ இவ்வனைதுக்கும் மேல்,

ஆம், உன்னை தவிர வேறெதையும்

ஏற்காமல் வெற்றிடம் ஆனது ;

உறுப்புகள் இப்படி உறுத்திக் கொண்டிருக்க,

இவை எதையும் சிந்திக்காமல், உன்னையே

எண்ணி செய‌லிழ‌ந்து கிடக்கிறது என் மூளை ;