நாம் கடவுள் !!!

கடவுளே இல்லை ! என்று உரைக்க

நான் நாத்திகன் இல்லை ;

மூட நம்பிக்கைகளால் மூழ்கி

முடங்க நான் முட்டாள் இல்லை ;

கடவுள் என்பது நம்முள் உள்ள நம்பிக்கை;

அதனை நம்பிக்கையுடன் கண்டனர் சிலர்,

கண்களை மூடி மூட நம்பிக்கைகளால்

சிக்கினர் சிலர் ,

நம்பிக்கை தேவை இல்லை,

தன்னம்பிக்கை போதும் என்றனர் சிலர்;

நாத்திகனோ ! ஆத்திகனோ !

நம்மை வெல்ல கூடிய சக்தி இருப்பது உண்மை ;

நம் மனசாட்சியாக கூட இருக்கலாம்;

அதை பற்றி ஆராய நான் சித்தன் இல்லை ;

நம்பிக்கை ஓர் ஆயுதமே , ஆம்

நல்லவை புரியவும் தீயவை செய்யவும்

துணை நிற்பது நம்பிக்கை ,

அதனை பெற்றிருந்தால்

நாமும் கடவுளே !