தலைவன்

தலைவன் தலைதெறிக்க ஓடிக்

கொண்டிருந்தால் தொண்டர்களின்

தொண்டை தான் வறண்டு விடும் ,

ஆம் பின்பற்றுவதற்கு பின்னால் ஓடி ;

தலைவனுக்கு நிறம் எதற்கு ?

ஆயினும் நிதானம் நிரந்தரம் !

கடக்க வேண்டியவற்றைக் காட்டி

துவண்டு போகவிடாமல் பாதையினைக்

கடக்கும் வழிமுறையை தருபவனே தலைவன் !

தலைவன் பிறந்த நாள் கொண்டாடுவது

பரிசு பெறுவதற்கு இருக்க கூடாது ,

தனக்கு வயதாவதை சுட்டி காட்டி

அடுத்தவனை தலையெடுக்க செய்யவே !

தனக்கு பல அடிமைகளை

உருபெற செய்யாமல் தலைவர்கள்

பலரை உருவெடுக்க செய்பவன்

தலைசிறந்த தலைவன் !

மற்ற தலைமகன் எல்லாம்

தலைவன் இல்லை !

குறைகளை நிவர்த்தி செய்து ,

நிறைகளை நிலை நிறுத்தி ,

விழுதுகள் வேறாகும் போது

வேலியாய் இராம‌ல் வ‌ழிவிட்டு ,

தொண்டனை தோண்டிப் புதைக்காமல் ,

தோழனாகத் தோள் கொடுத்து,

தலைவன் ஆக்குபவனே - தலைவன் !