J Saravanan சிதறல்கள்

வெள்ளி, 22 பிப்ரவரி, 2019

உன்னாலே உனக்காக
உன்னால் உருவான
உலகம் - உண்மையில்
உனக்கே உனக்கில்லை
உணர்த்தும் உணர்வு
உருவாகும் உன்னாலே !

நிழலும் நிச்சயம் நில்லாது,
நிச்சயம் நிதானம் நிலைக்காமல்,
நிதானம் நிச்சயம் நிற்காமல்,
நிசமே நிலைக்க நில்லாயோ,
நித்தம் நிசமும் நிழலாய் !

நான்,

உன்னை பற்றி எழுதுகையில்

எனக்கு வாழ்த்துக்கள் !

நீ,

என்னை பற்றி எழுகையில்

எனக்கு வாழ்வே துகள் !

வருத்தம் மறக்க !
வார்த்தை தவிர்க்க !
வாதம் விலக்க !
வாழ்க்கை இனிக்க !
காக்க காக்க !!!

முடியாதென்று,
சொல்கையில்
முயற்சி தோன்றினாலும்,
கேட்கையில்
வறட்சி தோன்றாதல் நன்று !!!

என்னை எனக்கு எடுத்துரைக்க
முன்னுரை தேவையில்லை !
என்னை நான் எடுத்துரைக்க
என்னுரை போதவில்லை !!

நாம் நினைத்ததை
நடத்தப் பார்ப்பதும்,
நடந்ததை நாம்
நினைத்துப் பார்ப்பதும்,
நினைவில் நிக்கலாம் !
நிகழ்வில் நில்லாது !!