முட்கள் இல்லாத ரோஜாவினை
இவ்வுலகம் நம்பாது; கஷ்டங்கள்
வாழ்க்கையில் வராமல் இராது ;
முட்களுக்கு பயந்தால் ரோஜாவின்
அழகினை அனுபவிக்க முடியுமா ?
துன்பங்களுக்கு துவண்டுவிட்டால்
சுவாசிப்பது எதற்கு ?
சிந்தனை கசியட்டும் லாபம்
சுலபமா வருமா ?
முயற்சிப்போம் முன்னேறுவோம் !!!
கடும் பாறையினை குடைந்து
தண்ணீர் எடுக்கும் தன்னம்பிக்கை
உள்ளது என்னிடம் !
ஏனோ தெரியவில்லை உன்
கண்ணில் காதல் உள்ளதா ?
என்பதை அறிவதற்கு தயக்கம்
இருக்கத் தானே செய்யும் ;
தண்ணீர் கிடைக்கவில்லை என்றால்
இடமாறிவிடுவேன் ; காதல் இல்லை
என்றால் இடிந்துவிடுவேன் ;
உன்னுடன் வாழாவிட்டாலும் நீ
வாழ்வதை ரசித்தாவது வாழ்ந்துவிடுகிறேன் !!!
பொழுதினை போக்கவே சில
பிழைகளுடன் கவிதையாக கிறுக்குகிறேன் !
இதனை அறிந்ததும் கேட்கின்றனர்
நான் காதலிப்பது யாரையென்று ?
நான் காதலிப்பது காதல்
என்றால் ஏற்கவா போகிறார்கள் !
வருந்தப் போவதில்லை !
நான் அவர்களுக்காக வாழவில்லை !!!
நேரத்தை நேர்த்தியாக நகர்த்தியவன்
நீ என் கண்ணில் நிறைந்த பிறகு
கண்கள் இமைக்க மறந்தன - ஆம் !
இமைக்கும் நேரத்தில் உன்னைப்
பார்க்க முடியாதே ! உனது பெயர்
பணம் என்பதால் தான் பிணமும்
மனம் மாறுகிறதோ !
பணமே ! உன்னையும் பிணமாக்கும்
மந்திரமே - பெண் !!!
கருவறையில் இருந்து கரையாமல்
காத்து பூமியில் விட்டனர் ;
கல்லறைக்கு போகும் முன்
கற்க முயற்சிக்கிறேன் !
அறிவுரைக்கவில்லை வலியுறுத்துகிறேன் ;
முதுகினில் தட்டி கொடுக்கா விட்டாலும்
தட்டி விடாதீர் !
மறப்போம் ! மன்னிப்போம் !
என்று அறிவுரைத்தனர் ,
மன்னித்தால் தானே மறப்பதற்கு
என்று வாதிடுகின்றனர் !
மன்னித்து விடின் பகைவர்கள்
பங்காளிகள் ஆகின்றனர் !
மறந்து விடின் பகைவர்கள்
பண்புள்ளவர்கள் ஆகின்றனர் !
ஆனால் இக்கலி யுகத்தில்
மன்னிப்பவர்கள் மடையர்கள் என்றும்
மறப்பவர்கள் மதியற்றவர்கள் என்றும்
ஏசுகிறது இவ்வுலகம் ,
மனித நேயம் தடயம்
அற்று போனது !
எத்திசையும் தனதாக்கும்
மனிதனுக்கு இத்திசை எப்படித்தான்
பொருந்தும் ! அன்போடு
அனைவரையும் அரவணைப்போம் !
கடற்கரையினில் நடந்த போது
அலைகள் என்னிடம் வினவின
வேறெப்படி ?
என் கால்களைத் தழுவியே !
நீங்கள் விழாக்களில்
உறவினர்களுடன் சங்கமிக்கிரீர் !
ஆனால் ஆறுகளோ என்று தான்
அனைத்தும் சங்கமிக்கும் ?
அதன் ஏக்கம் என்று தான் தீரும் !
காகிதத்தையும் வீணாக்காமல்
உபயோகிக்கும் மனிதர்கள்
ஆறுகள் வீணாக என்னுள்
கலப்பதைத் தடுப்பாரோ ???
பேச்சினிலே பெருமிதம் ;
நடையில் நாடகம் !
வார்த்தையில் திருவிளையாடல் ;
அவரே தான் அரசியல்வாதி !
பிரச்சாரமோ குழந்தைகளை
வேலையில் அமர்த்தாதீர் என்று !
ஓய்ந்தது பிரச்சாரம் ; பறந்தார்
வீட்டிற்கு ஓய்வெடுக்க ;
தேநீர் கொடுக்கிறான் அவர் தொழிலாளியாக
நியமித்திருந்த சிறுவன் !
கதிரவக் கதிர்களை கதிர்கள்
கண்டறியும் முன்பே
கயல் போன்ற கண்களை விழித்து
மாக்கோலத்தால் வாசலை வசீகரித்து
எவரும் கை படா நீரில் என் கை
மட்டுமே பட்ட மேனியை
நீராடிவிட்டு காமதேனுவின் அமுதினை
ஐயம் ! எதற்கு ? உன் கை பட்டதால்
கறந்த பாலும் அமுதானது
காய்ச்சி எடுத்து கூந்தலில் படர்ந்த
நீரினை உதிர்த்து என் துயில் களைக்கிறாய் ;
விழித்ததும் வியந்தேன் ! உதிர்ந்தது
கூந்தலின் நீரல்ல ; நீரினைத் தெளித்தது
கடும் சினம் கொண்டு
என்னைக் கரு கொண்டவள் ;
ஆம் நான் விழித்தது கதிரவன்
அஸ்தமனம் ஆகும் சமயம் !
காதலுக்கு கண்ணும் இல்லை ;
கனவிற்கு நேரமும் இல்லை !
